ინტერნეტ სივრცეში ძალიან საინტერესო ინფორმაცია გავრცელდა.

Don Balon - ის ინფორმაციით, "პარი სენ ჟერმანის" ფეხბურთელს ნეიმარს, ესპანეთის ჩემპიონატში დაბრუნება სურს, არა კატალონიის "ბარსელონაში", არამედ მადრიდის "რეალში".

"სამეფო კლუბი" ბრაზილიელთან ფარულ მოლაპარაკებებს აწარმოებს, რაც მალევე შეიტყო Daily Maily-მ.

25 წლის ნეიმარი ვერ ეგუება პარიზში ცხოვრებას, ის ასევე უკმაყოფილოა უნაი ემერის მწვრთნელობით. ბრაზილიელს ასევე აქვს პრობლემები ედინსონ კავანისთან. "რეალისთვის" პრობლემა არ იქნება კვლავ გადაიხადოს დიდი თანხა სუპერვარსკლავის შეძენისთვის.