მადრიდის „რეალის“ მთავარმა მწვრთნელმა, ზინედინ ზიდანმა „ტოტენჰებმთან“ მარცხის შემდეგ პრესკონფერენცია გამართა...

„ეს ჩემთვის მძიმე წუთებია. წარუმატებლები ვიყავით ლა ლიგაში და „ჟირონას“ სცენარი გავიმეორეთ ლონდონშიც. ემოციური ფონი საკმაოდ მაღალია, მაგრამ საკუთარ ფეხბურთელებს შევხვდები და ვეტყვი, რომ სიმშვიდე შეინარჩუნონ და მუშობა განაგრძონ. ფაქტია, რომ ბევრი რამ გვაქვს შესაცვლელი, ამიტომ ბევრი შრომა გვმართებს.“

„ვერ ვიტყვი, რომ გუნდს ფიზიკური თვალსაზრისით პრობლემები აქვს, ხარვეზები სხვა ასპექტებშია, რომელიც აუცილებლად უნდა გამოსწორდეს.“

„რამდენჯერაც შეტევაში აგრესიულად წავედით, იმდენჯერ მოდუნდა ყურადღება დაცვაში, რაც დაუშვებელია.“

„„ტოტენჰემთან“ მარცხის შემდეგ მივხვდი, რომ მაურისიო პოჩეტინოს გუნდს ევროსარბიელზე წარმატების მიღწევა თავისუფლად შეუძლია, ეს არის კოლექტივი, რომელიც თითოეული ბურთისთვის ბოლომდე იბრძვის და უდიდესი მოტივაციით თამაშობს.“