მას შემდეგ, რაც მადრიდის „რეალმა“ „ჟირონასთან“ მატჩი წააგო, დღის წესრიგში მთავარი მწვრთნელის, ზინედინ ზიდანის გადადგომა დადგა. ეს ყველაფერი რა თქმა უნდა ერთი წაგებიდან არ გამომდინარეობს. ლა ლიგის მე-10 ტურის თავზე, გუნდს შესაძლო 30-იდან 20 ქულა აქვს და კატალონიის „ბარსელონას“ 8 ქულით ჩამორჩება, „ვალენსიას“ კი ოთხით. ამ საკითხთან დაკავშირებით სერხიო რამოსს ჰკითხეს...

„თუ ზიდანი გუნდს დატოვებს, ჩვენ ამით სარგებელს ვერ მივიღებთ. ფრანგმა მწვრთნელმა კოლექტივში საოცარი მენტალიტეტი ჩამოაყალიბა. ეჭვი არ მეპარება ემილიო ბუტრაგენიო და ფლორენტინო პერესი ზიზუს ბოლომდე ენდობიან. მეტიც, მჯერა, რომ ის ჩვენთან ერთად წლების მანძილზე იქნება.“