მადრიდის „რეალის“ ყოფილმა ფეხბურთელმა, კეპლერ პეპემ სამეფო კლუბის წარუმატებელი მატჩების შესახებ ისაუბრა და საკუთარი დასკვნა გაგვანდო. პეპეს აზრით, „დედაქალაქელთა“ ცუდ გამოსვლას, მხოლოდ ერთი მიზეზი აქვს და სხვა არაფერი...

„ბუნებრივია, ესპანელთა გამოსვლას ხშირად ვადევნებ თვალს, რადგან მადრიდისტა ვარ და „რეალის“ წარმატება ჩემთვის მნიშვნელოვანია.“

„ზიდანის გუნდმა ლა ლიგაში ძალიან ბევრი ქულა დაკარგა, რაც სატურნირო მდგომარეობაზეც აისახება. მე ვთვლი, რომ ცუდ გამოსვლას მხოლოდ ერთი მიზეზი აქვს და ეს არის ტრავმიანობა. ფრანგმა მწვრთნელმა ვერაფრით შეძლო ოპტიმალური შემადგენლობის მოედანზე გაყვანა, მუდმივი ცვლილებები კი სასურველ კონდიციაში ჩადგომას ხელს უშლის.“