„ტოტენჰემის“ მთავარმა მწვრთნელმა, მაურისიო პოჩეტინომ ესპანეთის დედაქალაქში პრესკონფერენცია გამართა, სადაც მადრიდის „რეალის“ ფეხბურთელებზეც ისაუბრა...

„იმაზე არავინ დაობს, რომ კრიშტიანო რონალდუ „რეალის“ უდავო ლიდერი და ბრწყინვალე ფიგურაა. პორტუგალიელმა ფეხბურთელმა ამ კლუბში ეპოქა შექმნა, თუმცა არ ვთვლი, რომ ის ამ კლუბის წარმატების ფორმულაა. ზინედინ ზიდანს „შვიდიანის“ გარდა ძალიან ბევრი ლიდერი ჰყავს, რომლებთანაც დიდი სიფრთხილე გვმართებს.“

„ბენზემა არის ფეხბურთელი, რომელმაც წლების მანძილზე გაუძლო მადრიდის წნეხს. ფრანგს უდიდესი შესაძლებლობები აქვს. რაც შეეხება ვარანს. ვფიქრობ, რომ უკანახაზელი მსოფლიოში ერთ-ერთი საუკეთესოა, მან „მერენგების“ რიგებში უამრავი ტიტული მოიგო.“