მადრიდის „რეალის“ ხელმძღვანელობამ და პრეზიდენტმა, ფლორენტინო პერესმა ოფიციალურად დაადასტურეს, რომ კრიშტიანო რონალდუსთან და მის აგენტთან, ჟორჟე მენდეშთან რამდენიმეეტაპიანი მოლაპარაკება წარუმატებლად დასრულდა და შეთანხმების მიღწევა ვერ მოხერხდა...

საქმე ეხებოდა კრიშტიანოს კონტრაქტის კიდევ ერთი წლით გახანგრძლივებას, მაგრამ პორტუგალიელი წინახაზელი „ბლანკოსს“ ხელფასის რამდენიმე მილიონი ევროთი გაზრდას სთხოვდა, რაზეც ხელმძღვანელობისგან კატეგორიული უარი მიიღო.

ფლორენტინო პერესს მიაჩნია, რომ რონალდუს სარგო საკმაოდ მაღალია და ის იმითაც უნდა დაკმაყოფილდეს, რომ „მერენგების“ რიგებში ყველაზე მაღალანაზღაურებადი ფიგურაა.

შეგახსენებთ, კრიშტიანოს კონტრაქტი 2021 წლის 30 ივნისს ეწურება, მოლაპარაკება კი ხელშეკრულების 2022 წლის 30 ივნისამდე გაგრძელებაზე მიმდინარეობდა.