სამეფო კლუბის ფეხბურთელმა, ესტებან გრანერომ განაცხადა, რომ მისთვის რთული იქნება ალვარო ნეგრედოს წინააღმდეგ თამაში.

"ალვარო ნამდვილი მადრიდისტაა, ჩვენ ერთად ვართ გაზრდილები და მრავალი წელია ვიცნობთ ერთმანეთს. მიუხედავად იმისა, რომ ნეგრედო სევილიას ღირსებას იცავს, დარწმუნებული ვარ ისევ ისეა შეყვარებული "ბლანკოსზე" , როგორც ადრე იყო".

"კასტილიას შემადგენლობაში მე და ალვაროს უამრავი მატჩი გვაქვს ჩატარებული, ჩვენ ერთად ვოცნებობდით მთავარი გუნდის შემადგენლობაში მოხვედრაზე. მე ეს ოცნება უკვე ავიხდინე და დარწმუნებული ვარ მომავალი სეზონიდან ალვაროც აიხდენს. ნეგრედო სევილიაში შესანიშნავ სეზონს ატარებს და დარწმუნებული ვარ მანუელი მას დაიბრუნებს და მომავალ სეზონში გამოიყენებს კიდეც".