ისკო:„ჩემი „რეალში“ დარჩენა მხოლოდ ერთი ადამიანის დამსახურებაა“
ისკო ალარკონმა ახალი ხელშეკრულების გაფორმების შემდეგ პრესკონფერენცია გამართა...
„ძნელია ახსნა სიტყვებით ის გრძნობა, რასაც მადრიდის „რეალში“ თამაში ჰქვია. ყველა ფეხბურთელს წარმატებას ვუსურვებ, ვინც ამ გზას დაადგა.“
„არის თუ არა ეს ბოლო კონტრაქტი „რეალთან“? მე ყოველთვის მაქსიმალურად დავიხარჯები, რა იქნება წლების შემდეგ ვერ ვიტყვი.“
„ზინედინ ზიდანს ჩემთვის უდიდესი მნიშვნელობა აქვს. ის, რომ ახალი კონტრაქტის გაფორმების შესახებ გადაწყვეტილება მივიღე სწორედ ფრანგის დამსახურებაა. მე ყოველთვის ველოდებოდი შანსს და ვცდილობდი, თავი გამომეჩინა. ვფიქრობ, ზიდანი კარგად მიცნობს.“
„ვარ თუ არა ესპანეთის საუკეთესო ფეხბურთელი? სიმართლე გითხრათ, ცუდი კითხვაა. ჩვენს ქვეყანას უამრავი ნიჭიერი ფიგურა ჰყავს.“
„საუკეთესო მომენტი „რეალში“? ლა დესიმა, უდავოდ ლა დესიმა, ეს იყო საოცარი სეზონი და დიდებული გამარჯვება. „ბლანკოსმა“ ნანატრი თასი მოიგო.“
„კონტრაქტის გახანგრძლივებაზე საუბარი გასული სეზონის ბოლოსაც მიმდინარეობდა, მაგრამ შემდეგ ყველაფერი შემოდგომისთვის გადაიდო.“
„ძალიან ბევრი უნდა ვიმუშაო იმისათვის, რომ კლუბში ადგილი დავიმკვიდრო და სასტარტო შემადგენლობის წევრად ვიქცე, ეს დამეხმარება ეროვნულ ნაკრებში მოხვედრაში.“
„ვადასტურებ, „ბარსელონას“ კონტაქტი გვქონდა, მაგრამ არასდროს მიფიქრია კატალონიაში თამაშზე.“
„ზიდანი რთულ სიტუაციაშია. გუნდს უდიდესი რესურსი აქვს, მთავარმა მწვრთნელმა კი საუკეთესო თერთმეტი ფეხბურთელი უნდა აირჩიოს.“
„ნათელია, რომ ჩემი იდეა ყოველთვის „რეალში“ წარმატება იყო. ზიდანი ბევრ რამეში დამეხმარა და არაერთი ასპექტი გამაუმჯობესებინა. მე ვთვლი, რომ მისი მმართველობის დროს უფრო გავძლიერდი.“
„ძალიან ბედნიერი ვარ, რომ 4 წლის მანძილზე 11 ტიტული მოვიგე, მათ შორის არის ჩემპიონთა 3 თასი.“
- 15 სექტემბერი 2017
- 9 971
- 35
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
