მარკო ასენსიომ ესპანური გამოცემების ჟურნალისტებთან ისაუბრა...

„მადრიდის „რეალში“ ძალიან ბედნიერი ვარ და არსად წასვლას არ ვგეგმავ. ჭორები იმის შესახებ, რომ „პსჟ“-ში გადასვლასთან ახლოს ვიყავი სიმართლეს არ შეესაბამება.“

„საკუთარ ფანტაზიებში ბევრ რამეს ვხატავთ, მაგრამ რეალობას თვალი უნდა გავუსწოროთ და იმაზე ვიფიქროთ, რომ სასტარტო შემადგენლობაში ადგილი დიდი შრომით დავიმკვიდროთ.“

„კრიშტიანო რონალდუზე მხოლოდ ერთი რამის თქმა შემიძლია. ის იმსახურებს ოქროს ბურთს.“

„ვცდილობ რესტორანში არ ვიარო. სადილი და ვახშამი სახლში, მშვიდ გარემოში სჯობს გაიმართოს, მე სპორტსმენი ვარ და მხოლოდ ფეხბურთზე ვფიქრობ.“

„ნეიმარის „ბარსელონადან“ წასვლა ნამდვილად უცნაური იყო.“

„რა შემთხვევაში იქნები საუკეთესო ფეხბურთელი/ თუ შენ გექნება მესის მარცხენა ფეხი, რონალდუს მარჯვენა ფეხი და თავი, კროოსის აზროვნება, კროოსის პასი და რამოსის ლიდერის თვისებები.“