ესპანურ გამოცემებზე დაყრდნობით, მადრიდის „რეალის“ ყოფილი ფეხბურთელის, ანხელ დი მარიას „ბარსელონაში“ გადასვლა ძალიან რეალური ხდება...

„პსჟ“-სა და კატალონიურ კლუბს შორის სერიოზული მოლაპარაკებები მიმდინარეობს. გამომდინარე იქედან, რომ პარიზელებს წინა ხაზში უამრავი ფეხბურთელი ჰყავთ, „ბარსელონას“ მიაჩნია, რომ დი მარიას ტრანსფერზე შეთანხმება შესაძლებელია.

მადრიდში ანხელთან დაკავშირებით არაერთგვაროვანი ინფორმაციები ვრცელდება. „რეალის“ გულშემატკივრებს იმედი აქვთ, რომ არგენტინელი წინახაზელი „ბლაუგრანას“ მაისურს არასდროს მოირგებს.