ბრაზილიელ მარსელოს მადრიდის "რეალის" რიგებში ყველაზე მეტი საგოლე გადაცემა აქვს შესრულებული. ახალგაზრდა მადრიდისტამ "ტენერიფესთანაც" მშვენივრად ითამაშა და გონსალო იგუაინი დასარტყმელ პოზიციაზე არაერთხელ გაიყვანა. ასე და ამგვარად, მარსელო სამეფო კლუბის საუკეთესო ასისტენტია.

ჟუნიორმა "ვალენსიასთან", "ვილიარელთან", "ხეტაფესთან", "სარაგოსასთან" (2) და "ტენერიფესთან" საერთო ჯამში 6 საგოლე გადაცემა შეასრულა. მიუხედავად იმისა, რომ ბრაზლიელი ამპლუით მარცხენა მცველია, იგი ნახევარდაცვაშიც არაჩვეულებრივად მოქმედებს, მან ეს არაერთხელ დაამტკიცა. პიპიტა და მარსელო ერთმანეთს ყველაზე კარგად უგებენ, იმ 6 საგოლე გადაცემიდან, ჟუნიორმა 5 იგუაინს გაუკეთა. რაც შეეხება გუნდის სხვა ასისტენტებს, ორი შედეგიანი გადაცემა ვან დერ ვაარტის და რაულის ანგარიშზეა. სამეფო კლუბის მარცჯვენა მცველი საგოლე პასს საშუალოდ ყოველ 339 წუთში აკეთებს, მარსელო არც გოლის ალღოთი ჩამოუარდება ვინმეს, ახალგაზრდა მცველმა მიმდინარე სეზონში უკვე 2 გოლის გატანა მოასწრო.


ინფორმაციის წყარო: Realmadrid.com

ავტორი: Kevlisha