მადრიდის "რეალს" ევროპის 5 წამყვან ჩემპიონატში მოასპარეზე გუნდებთან შედარებით ყველაზე მეტი გოლი აქვს გატანილი. მადრიდელები არც გუნდური თამაშით ჩამოუარდებიან ვინმეს, "თეთრების" თითქმის ყველა ფეხბურთელს აქვს გოლი გატანილი, რაც დამეთანხმებით ბრწყინვალე შედეგია.

მიმდინარე სეზონში მადრიდელებმა ლა ლიგის 24 შეხვედრაში 64 გოლის გატანა მოახერხეს. ამ მაჩვენებლით ისინი არამარტო პრიმერაში, არამედ მთელს ევროპაში ლიდერობენ.

მადრიდისტების საუკეთესო ბომბარდირი გონსალო იგუაინია, მას 16 გოლი აქვს გატანილი. იმ 64 ბურთიდან, რაც მადრიდელებმა შეაგდეს უმეტესობა სხვა და სხვა პოზიციაზე მოთამაშე ფეხბურთელთა ანგარიშზეა, ეს კი "ბლანკოსის" მტკიცე გუნდურ სულზე მიუთითებს.

როგორც ფეხბურთის ექსპერტებმა დაადგინეს, მადრიდის "რეალს" ყოველ შეხვედრაში საშუალოდ 2.66 გოლი გააქვს, "თეთრები" ამ მაჩვენებლით ევროპაში საუკეთესოები არიან. მადრიდელებს კატალონიელები მოჰყვებიან 2.45 გოლით, ხოლო მესამე–მეოთხე პოზიციას ლონდონის "არსენალი" და "მანჩესტერ იუნაიტედი" ინაწილებენ.



ინფორმაციის წყარო: Realmadrid.com

ავტორი: Kevlisha