ზინედინ ზიდანმა მადრიდის „რეალში“ მეშვიდე ტიტული მოიგო და ვისენტე დელ ბოსკეს შედეგი დაჩრდილა...

ფრანგი სპეციალისტი „ბლანკოსის“ ისტორიაში რიგით მესამე ყველაზე ტიტულოვანი მწვრთნელია. მას მხოლოდ ლუის მილოვანი და მიგელ მუნიოსი უსწრებენ. პირველ მათგანს 8 თასი აქვს მოგებული, ხოლო მეორეს 14.

მადრიდელებს ეჭვი არ ეპარებათ, რომ მილოვანის შედეგს ზინედინი დეკემბერში, მსოფლიო საკლუბო ჩემპიონატზე გაიმეორებს.

ზიდანის აქტივში 2 ჩემპიონთა ლიგის, 1 ლა ლიგის, 1 მსოფლიო საკლუბო ჩემპიონატის, 2 ევროპისა და 1 ესპანეთის სუპერთასია.