დანიელ კარვახალმა „ელ კლასიკოს“ წინ პრესკონფერენცია გამართა...

„არ გვაინტერესებს, როგორ განვითარდა მოვლენები „ნოუ კამპზე“ და რა ანგარიში დაფიქსირდა ორი დღის წინ. ჩვენ ხვალ ვითამაშებთ საშინაო არენაზე და აუცილებლად გავიმარჯვებთ. საკუთარი გულშემატკივრების წინაშე კარგი გამოსვლა ჩვენი ვალია.“

„კატალონიური კლუბი ჩვენი მარადიული მეტოქეა. დარწმუნებული ვარ, ბერნაბეუზე დიდ ადრენალინს გამოვიმუშავებთ და „ბარსელონას“ ბრძოლას გამოვუცხადებთ.“

„კრიშტიანო რონალდუს მიმართ გატარებული ღონისძიებები უსამართლო და გადაჭარბებულია. პორტუგალიელი ფეხბურთელი რამდენიმე მატჩით გამოგვაკლდა, რაც პრობლემებს შეგვიქმნის. „რეალს“ ეს არ დაუმსახურებია.“

„გასაგებია, რომ მსაჯებიც ადამიანები არიან და შეცდომები მოსდით, მაგრამ მატჩისშემდგომი რეაგირება წარმოუდგენელი იყო.“

„ლუის სუარესს შესანიშნავ ფეხბურთელად მივიჩნევ. კამათი და დაძაბულობა, რომელიც მოედანზე იყო, იქვე დარჩა, ჩვენ არანაირი აგრესია არ გვაქვს ერთმანეთის მიმართ.“

„ნეიმარი მსოფლიო დონის მოთამაშეა. ბუნებრივია, ბრაზილიელი „ბარსელონას“ დააკლდა, მაგრამ ამ კლუბს არაფერი ვარსკვლავი ჰყავს.“

„არ ვიცი, არის თუ არა საუკეთესო ეპოქა ჩემ კარიერაში, თუმცა ვისურვებდი, რომ კიდევ უფრო დიდი წარმატებებისთვის მიმეღწია. ჯერ ახალგაზრდა ვარ და მუშაობას განვაგრძობ.“