ზინედინ ზიდანმა „ბარსელონას“ დამარცხების შემდეგ შეხვედრის არბიტრი გააკრიტიკა...

„მოხარული ვარ, რომ მადრიდის „რეალმა“ „ნოუ კამპზე“ შესანიშნავ გამარჯვებას მიაღწია. გუნდმა ძალიან ბევრი იშრომა და წარმატება დაიმსახურა.“

„ახლა უკვე მეორე შეხვედრაზე ვფიქრობ და ვაცნობიერებ, რომ კრიშტიანო რონალდუ დისკვალიფიცირებული იქნება, თანაც არასამართლიანად. ის, რაც ამ შეხვედრაში მსაჯმა გააკეთა ესპანურ ფეხბურთს არ ეკადრება, სხვას ვერაფერს დავამატებ.“

„გუნდი „ა“ და გუნდი „ბ“ ჟურნალისტების გამოგონილია. მე ერთი გუნდი მყავს, რომელიც ერთი მიზნისთვის იბრძვის და საკუთარ ძალებში დარწმუნებულია.“

„აუცილებელია აღინიშნოს მარკო ასენსიოს ბრწყინვალე ჩართვა და მართლაც საოცარი გოლი. ესპანელისგან გასაკვირი აღარაფერია, ის უნიჭიერესი ფეხბურთელი გახლავთ.“

„ისკო ალარკონმა და მატეო კოვაჩიჩმა გუნდის წარმატებაში დიდი წვლილი შეიტანეს, ორივე ნახევარმცველი ძალიან მობილური იყო.“