ზიდანი:„სეზონის ბოლოს პრეზიდენტმა შეიძლება გამიშვას“
„ბარსელონასთან“ მატჩის წინ ზინედინ ზიდანმა პრესკონფერენცია გამართა...
„წინ უმნიშვნელოვანესი შეხვედრები გველის. მეტოქე ძალიან სოლიდურია და ვთვლი, რომ ტურნირის მოგება ძალიან დიდი ბედნიერება იქნება. მზად ვართ როგორც ფიზიკური, ასევე გონებრივი თვალსაზრისით.“
„ჩემთვის დიდი მნიშვნელობა არ აქვს იმას, რომ კრიშტიანო რონალდუმ სულ რაღაც ერთი კვირაა ვარჯიში დაიწყო. პორტუგალიელი ფეხბურთელი პირველივე ვარჯიშზე მოწოდების სიმაღლეზე იდგა. მან გამაოცა, საოცარ ფორმაში იყო, რაც იმას მიანიშნებს, რომ მთელი ზაფხულის მანძილზე არ მოდუნებულა.“
„ეს ბრძოლა ორ რაუნდს მოიცავს, ამიტომ პირველი შეხვედრიდან დასკვნების გამოტანას ვერ მოვახერხებთ.“
„შესაძლოა „რეალის“ მწვრთნელი მომდევნო 20 წლის განმავლობაში ვიყო და ეპოქა შექმნა, ასევე შესაძლოა, სეზონის ბოლოს პრეზიდენტმა კარისკენ მიმითითოს. ეს ფეხბურთია, სადაც ყველაფერი ხდება.“
„ჩვენი მიზანი ყველა მატჩის და ყველა ტიტულის მოგებაა. არსებობს ფორმის პიკი და ჩავარდნა, თუმცა საბოლოო ჯამში ჩვენი შრომა ტიტულებში უნდა გარდავსახოთ.“
„ისკო ალარკონთან მუშაობა დიდ სიამოვნებას მანიჭებს. მას შეუძლია ბეილთან, რონალდუსთან და ბენზემასთან თამაში, ასევე შეუძლია სხვა სქემებზე მორგება.“
„კაზემიროს თამაში დიდ სიამოვნებას მანიჭებს, ბრაზილიელმა ფინალში გოლის გატანაც შეძლო. იმედი მაქვს, „ბარსელონას“ კარსაც აიღებს. ნახევარმცველი ყველა შეხვედრაში მაქსიმალურად კონცენტრაციას ახდენს.“
„ტეო ერნანდესი კვირიდან კვირამდე იზრდება და დიდ გამოციდლებას იღებს. ახალგაზრდა ფრანგი ძალიან ნიჭიერია.“
„ტრანსფერები? შესაძლოა იყოს, 31 აგვისტომდე არაფერს გამოვრიცხავ.“
„ის, რომ ნეიმარი „ბარსელონადან“ წავიდა ნიშნავს იმას, რომ ვალვერდეს კლუბს დიდი ძალა დააკლდა, მაგრამ მათი რესურსი მაინც ძალიან დიდია.“
- 13 აგვისტო 2017
- 6 851
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
