მადრიდის „რეალის“ მთავარმა მწვრთნელმა, ზინედინ ზიდანმა „სიტისთან“ მარცხის შემდეგ პრესკონფერენცია გამართა...

„უკმაყოფილო ვარ. ფაქტია, რომ გუნდმა ძალიან ცუდი შედეგი დააფიქსირა. არ ვთვლი, რომ 4-1 რეალურად ასახავს მოედანზე განვითარებულ მოვლენებს, თუმცა ფაქტია, რომ გუარდიოლას დამოძღვრილებმა გაცილებით უკეთესი ფეხბურთი ითამაშეს და გამარჯვება დაიმსახურეს.“

„მოედანზე გასვლის საშუალება ყველა ფეხბურთელს მივეცი. არაერთ ტაქტიკას ვცდით და ვცდილობთ, ახალგაზრდებს შანსი მივცეთ. პრე-სეზონი სწორედ ამისთვის არსებობს.“

„არ გამოვრიცხავ, რამდენიმე კანტერანომ მთავარი გუნდის რიგებში დარჩენის გარანტია მიიღოს, მათი გარჯით კმაყოფილი ვარ.“

„კეილორ ნავასი ნამდვილი პროფესიონალია, ეს კოსტარიკელმა უკვე ბევრჯერ დაამტკიცა. მოხარული ვარ, რომ კეილორი „ბლანკოსის“ ღირსების დამცველია.“

„კილიან მბაპეზე უკვე შაბლონურად გპასუხობთ. სატრანსფერო ფანჯრის დახურვამდე 1 თვეზე მეტია დარჩენილი, ამიტომ დაველოდოთ მოვლენების განვითარებას.“