ზინედინ ზიდანმა „მანჩესტერთან“ შეხვედრა შეაფასა..

„თანდათან ვიპოვით გზას უკეთესი თამაშისკენ. პირველი შეხვედრა გავმართეთ და ვთვლი, რომ ბევრი დეტალია დასახვეწი. „მანჩესტერმა“ კარგად ითამაშა, განსაკუთრებით ამის თქმა პირველ ტაიმზე შეიძლება. მეორე ნახევარში „ბლანკოსი“ გაცილებით უკეთესი იყო. თერთმეტმეტრიანები? ეს ხომ გამართლებაზეა. საერთო ჯამში უკმაყოფილო ნამდვილად არ ვარ.“

„მთავარი მიზანი 8 აგვისტოს მატჩისთვის მომზადება, მანამდე კი პრე-სეზონის პაექრობებს გავმართავთ. ეს იქნება ტესტ-მატჩები, რომელიც ბოლომდე უნდა გამოვიყენოთ. ამხანაგურ შეხვედრებში დაფიქსირებულ შედეგებს დიდ მნიშვნელობას ნამდვილად ვერ მივანიჭებ.“

„თავდამსხმელის დამატება? 31 აგვისტომდე „რეალმა“ შესაძლოა ტრანსფერები განახორციელოს, მაგრამ ახლა ამაზე საუბარი არ შემიძლია. კასტილიელების ჩათვლით კოლექტივში 28 მოთამაშე მყავს და ვთვლი, რომ რესურსი არსებობს.“

„არც იმას გამოვრიცხავ, რომ 31 აგვისტომდე გუნდი რომელიმე ფეხბურთელმა დატოვოს. ეს არის პროცესი, რომელიც მთელი ზაფხულის მანძილზე მიმდინარეობს.“

„სერხიო რამოსმა მზადება გვიან დაიწყო, გამომდინარე აქედან ფიზიკური თვალსაზრისით თანაგუნდელებთან შედარებით მოწოდების სიმაღლეზე არ დგას.“

„MLS-ის ვარსკვლავებთან შეხვედრა ძალიან საინტერესო იქნება. ინტერესს ისიც ამძაფრებს, რომ „ბლანკოსის“ წინააღმდეგ რიკარდო კაკა ითამაშებს. ბრაზილიელი ლეგენდა „რეალის“ ქომაგებს ძალიან უყვართ.“