კაკას ხილვა მადრიდის რეალში ალბათ ნებისმიერი რეალის ფანის ოცნება იყო.მის ყიდვას ჯერ კიდევ 2006 წელს რამონ კალდერონი დაგვპირდა თუმცა ოცნება რეალურად 2009 წლის ზაფხულს ფლორენტინო პერესმა გახადა.

მისი ყიდვა რომ ამართლებს ამას სტატისტიკა აჩვენებს.მას ლა ლიგის ნახევარმცველებში ყველაზე მეტი გოლი აქვს გატანილი–6. ასევე ის გუნდის საუკეთესო ასისტენტია მას 6–საგოლე პასი აქვს გაკეთებული.საშუალოდ კაკა წინა სეზონებში 11 გოლს იტანდა და 8 საგოლე პასს აკეთებდა.2008/2009 სეზონში მან მილანის შემადგენლობაში 16 გოლი გაიტანა და გუნდის საუკეთესო ბომბარდირი გახდა.

რეალში ის უფრო ასისტენტობს და პასებით ამარაგებს თავდამსხმელებს რონალდოს და იგუაინს.მან შესანიშნავი გოლი გაიტანა ატლეტიკოსთან მადრიდულ დერბიში და გუნდს მოგებაში დაეხმარა.ასევე მან გაიტანა მეორე გოლი ესპანიოლთან.რიკარდომ ძალიან კარგად ითამაშა წინა მატჩში ვილიარეალთან,სადაც დუბლი შეასრულა.პირველ წრეში ბრწყინვალე შორეული დარტყმით მან გოლი გაუტანა რეალის ხვალინდელ მეტოქეს ტენერიფეს.ასევე მადრიდში ის 11 მეტრიანებს ურტყამს და ამას ცივ სისხლიანად აკეთებს.მან რაც დაარტყა ყველა გაიტანა და საერთოდ მისი აცილებული 11 მეტრიანი იშვიათობაა.

ასევე აღსანიშნავია რომ მასზე მეტოქეებმა 6–ყვითელი ბარათი აიკიდეს და ეს ყველაფერი კი იმის ფონზე რომ მას ჰქონდა საკმაოდ სერიოზული ტრავმა რის შედეგადაც მან თვენახევარი გამოტოვა.ამ სტატიკისტიკის ფონზე ჩვენ შეგვიძლია დავრწმუნდეთ რომ კაკა რეალის ერთ–ერთი მთავარი და წამყვანი მოთამაშეა.

ინფორმავიის წყარო:realmadrid.com