მადრიდის „რეალის“ ნახევარდაცვის მუდმივი ტრიო კაზემიროს, კროოსისა და მოდრიჩის შემადგენლობით სტატუსს შეიცვლის...

ზინედინ ზიდანი აპირებს, რომ ლუკა მოდრიჩს ხშირად მისცეს დასვენების საშუალება, ვინაიდან ხორვატი ფეხბურთელი სექტემბერში 32 წლის ხდება და მისთვის წინა წლების მსგავსი დატვირთვის მიცემა პრობლემებს შექმნის.

შარშანდელ სეზონში ლუკამ 3-ჯერ მიიღო ტრავმა, პირველ შემთხვევაში კი 9 დაპირისპირება გამოტოვა, რამაც სერიოზული პრობლემები შექმნა.

ზიზუ აპირებს, რომ ლუკას მატჩების მინიმუმ 35%-ში დასვენების საშუალება მისცეს, მისი ადგილი კი ხან მატეო კოვაჩიჩს, ხანაც სებალიოსს დაუთმოს. ამ მხრივ დაიზოგება მოდრიჩის ძალა და მეტი სათამაშო დრო მიეცემათ ახალგაზრდებს, რათა თავი უკეთ წარმოაჩინონ და სამომავლოდ გუნდში ადგილი დაიმკვიდრონ.