სერხიო რამოსმა განაცხადა, რომ იგი იქნება ბედნიერი თუ მადრიდის რეალში აღმოჩნდება ნავასი. მისი აზრით სევილიელი ფეხბურთელი "ბლანკოსს" დიდ დახმარებას გაუწევს.

"მე და ნავასს შესანიშნავი ურთიერთობა გვაქვს ერთმანეთთან. იგი თავის საქმის პროფესიონალია და თუ მადრიდის რეალი მოახერხებს ტრანსფერის გაჩარხვას, მე ამ გადაწყვეტილებას ნამდვილად მივესალმები".

"როდესაც სევილიადან სამეფო კლუბში გადმოვედი, ბევრმა ჩემი კრიტიკა დაიწყო, რადგან ახალგაზრდა ვიყავი და რეალში ფეხს ვერ მოვიკიდებდი, თუმცა ყველაფერი კარგად წავიდა დღეისთვის გუნდის მნიშვნელოვანი ფიგურა ვარ. დარწმუნებული ვარ ასე იქნება ხესუსის შემთხვევაშიც, მაგრამ იცოდეთ, რომ ეს ფეხბურთელი საკუთარ თამაშს აუცილებლად იპოვის დედაქალაქურ გრანდში და მოერგება სამეფო კლუბს" - განაცხადა სერხიომ.