ბრიტანულ გამოცემებზე დაყრდნობით, ლუკას ვასკესის „რეალიდან“ აბარგების შანსი დიდია...

ესპანელი ფეხბურთელით „ლივერპული“ ინტერესდება, რომელმაც „ბლანკოსს“ ორწლიანი იჯარა შესთავაზა. საიჯარო ხელშეკრულების ფასი 9 მილიონი ევრო იქნება, გამოსასყიდ თანხად კი 15 მილიონი დასახელდება.

იმ შემთხვევაში, თუ „მერსისაიდელები“ ლუკასთან თანამშრომლობის გაგრძელებას 2 წლის შემდეგაც გადაწყვეტენ, საერთო ღირებულება 24 მილიონი ევრო იქნება.

მადრიდში ფიქრობენ, რომ პერესი ვასკესს მარტივად არ შეელევა, ვინაიდან ლუკასი ძალიან უყვარს ზინედინ ზიდანს.

დაველოდოთ მოვლენათა განვითარებას...