არ წყდება სპეკულაციები ალვარო ნეგრედოს რეალიდან წასვლის შესახებ, უცხოურ პრესაში ყოველდღე ახალი ინფორმაცია ქვეყნდება ესპანელ ახალგაზრდა ფორვარდთან დაკავშირებით...

ნეგრედო გუნდთან ერთად სრული დატვირთვით ვარჯიშობს და ყოველდღე უმატებს. ალვარომ რეალის ბოლო მატჩში გოლის გატანაც შეძლო და ურიგოდ ნამდვილად არ გამოიყურებოდა, ესპანელი ახალგაზრდა მთელი იმ დროის მანძილზე, რამდენი დროც მიეცა აქტიურობდა და ცდილობდა გოლის გატანას.

თუ დავეყრდნობით ესპანურ საინფორმაციო წყაროებს, მანუელ პელეგრინი მოხიბლულია ამ ფეხბურთელით და იგი შეიძლება დარჩეს რეალში, უკვე გადაწყვეტილია, რომ სამეფო კლუბს დატოვებს კლაას იან ჰუნტელაარი, როდესაც ჰოლანდიელი წავა, რეალში 5 ფორვარდი რჩება , ეს კი არც ისე ცოტაა, ჩილელი სპეციალისტი ყოველთვის ორი ფორვარდით თამაშს ანიჭებს უპირატესობას და ისე გამოდის, რომ ერთ თავდამსხმელს მომავალ სეზონში ძალიან ცოტა სათამაშო დრო ექნება. ეს კი შესაძლოა სწორედ ნეგრედო იყოს, ამიტომ ჯერჯერობით არაფერია გადაწყვეტილი მაგრამ ის ფაქტია, რომ მთავარ მწვრთნელს ნეგრედო მოსწონს.