ესპანურ გამოცემებზე დაყრდნობით, ზინედინ ზიდანსა და კილიან მბაპეს მამას შორის სატელეფონო კავშირი შედგა, სადაც ფეხბურთელის მამამ პირობები მოისმინდა, ზიდანმა კი მბაპეს ულტიმატუმი...

18 წლის ფეხბურთელი არავითარ შემთხვევაში არ გადავა მადრიდის „რეალში“, თუ ყველა ტურნირის 30-35 დაპირისპირებაში მაინც არ მიიღებს მონაწილეობას. მიზეზი მხოლოდ ერთ რამ არის. გარდა იმისა, რომ კილიანს განვითარებისთვის რაც შეიძლება ბევრი სათამაშო დრო სჭირდება, წინ მსოფლიო ჩემპიონატია, სადაც კილიანმა კიდევ ერთხელ უნდა გაიბრწყინოს.

იმ შემთხვევაში, თუ მბაპე „მონაკოში“ დარჩება, მუდმივი სათამაშო პრაქტიკა ექნება და რუსეთში ოპტიმალურ ფორმაში გაემგზავრება, „რეალში“ უთამაშებლობის შემთხვევაში კი მისი კონდიცია არც ისე დამაკმაყოფილებელი იქნება, რაც ფრანგული მხარის გეგმებში არ შედის.

როგორც ხედავთ, მბაპეს ოჯახი გარანტიებს ითხოვს, დანარჩენი კი მადრიდის „რეალზე“ იქნება დამოკიდებული.