მადრიდის „რეალს“ მხურვალე ივლისი და აგვისტო ელის, ვინაიდან გუნდი აშშ-ში პრე-სეზონის ფარგლებში ძალიან მნიშვნელოვან შეხვედრებს გამართავს...

პრე-სეზონის პირველი დაპირისპირება მანჩესტერ „იუნაიტედთან“ გაიმართება, რომელიც 23 ივლისით არის დათარიღებული.

მეორე პაექრობას ზიზუ გუარდიოლას „სიტისთან“ გამართავს. დაპირისპირება 26 ივლისს შედგება.

რაც შეეხება მესამე დაპირისპირებას. მადრიდის „რეალი“ „ელ კლასიკოს“ ითამაშებს, მატჩი 29 ივლისს შედგება.

ამასთანავე აუცილებლად აღსანიშნავია, რომ 2 აგვისტოს „მერენგები“ ამერიკის ვარსკვლავებთან გამართავენ შეხვედრას და უძლიერესს გამოავლენენ.

აშშ-ს ტურნეს შემდეგ, გუნდი ევროპისა და ესპანეთის სუპერთასის შეხვედრებზე გადაერთვება, სადაც ზიდანის კოლექტივის მეტოქეები მანჩესტერ „იუნაიტედი“ და კატალონიის „ბარსელონა“ იქნებიან. მოურინიოს გუნდი „რეალს“ ევროპის ლიგის გამარჯვებულის სტატუსით შეხვდება, კატალონიური კლუბი კი „ლა კოპას“ მფლობელის.