ესპანური გამოცემები ალვარო მორატას წასვლასთან დაკავშირებით არაერთ ინფორმაციას ავრცელებენ...

ფაქტია, რომ ესპანელის აბარგება გუნდის შეტევით პოტენციალს მნიშვნელოვნად შეამცირებს და წინა ხაზში ახალი სახის გამოჩენა აუცილებელი იქნება.

არაოფიციალური ინფორმაციით, „რეალმა“ მორატას შემცვლელი შესაძლოა საერთოდ არ იყიდოს და შიდა გადაწყობა მოხდეს.

იმ შემთხვევაში, თუ „ბლანკოსი“ კილიან მბაპესთან შეთანხმებას მიაღწევს, ახალ ფორვარდზე საუბარი ზედმეტიც კი იქნება, ვინაიდან ცენტრში კრიშტიანო რონალდუს და კარიმ ბენზემას დიდი კონკურენცია გაჩაღდება, თუმცა ეჭვი არავის ეპარება, რომ კრისი მაინც თავისუფალი პოზიციის მატარებელი იქნება და იქ ითამაშებს, სადაც ესიამოვნება.

ასევე ვრცელდება ინფორმაცია, რომ მორატას წასვლის შემთხვევაში, გუნდს აღარ დატოვებს მარიანო დიასი და აწ უკვე გასული სეზონისგან განსხვავებით, მომდევნო სეზონში გაცილებით მეტ სათამაშო დროს მიიღებს.

რა მოხდება თუ პერესი მბაპეს ვერ დაიმატებს? ამ შემთხვევაში, კლუბი აუცილებლად შეიძენს ფორვარდს, თუმცა კანდიდატურები ჯერ-ჯერობით არ სახელდება.