"სელტასთან" დაპირისპირების წინ, ზინედინ ზიდანმა ჟურნალისტების კითხვებს უპასუხა.

"პრიმერა დივიზიონში ორი ფინალური პაექრობა დაგვარჩა გასამართი.ვფიქრობ, მზად ვართ მომდევნო გამოწვევებისათვის.რაც მთავარია, შემადგენლობა კარგ კონდიციებში იმყოფება."

"ცხადია, ვიგოელებთანაც რთულ დაპირისპირებას ველოდებით.ისინი კარგი ფეხბურთელებით არიან დაკომპლექტებულნი.როგორც "სევილია," ასევე "სელტა" და "მალაგაც" დიდ პაექრბას გაგვიწევენ, თუმცა ჩვენ დარწმუნებულნი ვართ საკუთარ შესაძლებლობებში."

"კრიშტიანუ თავს კომფორტულად გრძნობს და ჩვენთან ერთად იქნება "ბალაიდოსზე."

"ბეილის მონაწილეობა კარდიფში? ახლა ამაზე საუბრის დრო არ არის.გარეთი უკეთესად გრძნობს თავს, თუმცა ჩვენ "სელტასთან" მატჩზე ვართ ფოკუსირებულნი."

"ფეხბურთელებს, რომლებსაც ყვითელის შემთხვევაში დისკვალიფიკაცია ემუქრებათ, მაქსიმალურად ეცდებიან, რომ მსაჯს არ გამოსტყუონ ბარათი."

"ამ მომენტისათვის არ ვფიქრობ არანაირ "დუბლზე." მთელი ყურადღება ვიგოსკენაა მიმართული."

"ჩვენ გვყავს 3 ძალიან კარგი კარის დარაჯი.ვერ გეტყვით, შემდეგ სეზონში რა მოხდება, თუმცა მათით კმაყოფილნი ვართ."

"ხამესმა გარკვეული პრობლემების გამო ორშაბათის ვარჯიშში მონაწილეობა არ მიიღო.ის "რეალის" ფეხბურთელია და ჩვენ დარჩენილი მატჩები გვაღელვებს."

"მორატა ჩემზე არ გაბრაზებულა.ჩვენ უკვე ვისაუბრეთ და ყველაფერი კარგადაა."

AS