როგორც მოგახსენეთ, მადრიდის "რეალის" კალათბურთელებმა, კოპა დელ რეის გათამაშების 1/2 ფინალში შეძლეს გასვლა.

სამეფო გუნდის მეტოქე ნახევარფინალურ ეტაპზე "ლაბორალი" იქნება (მათ 1/4 ფინალში ბილბაოს კალათბურთელები დაამარცხეს 75-62.მატჩის ერთ-ერთი საუკეთესო მოთამაშე ყოფილი მადრიდელი, იარიკი, გახლდათ.ეს უკანასკნელი ამჟამად "რეალის" მომავალი მეტოქის გუნდში ირიცხება).

ეტორე მესინას, ფინალური თამაშის საგზურის მოპოვებაში ვან სპიეგელი ვერ დაეხმარება, ხოლო მოწინააღმდეგე გუნდს ტიაგო სპლიტერი გამოაკლდება.

აღსანიშნავია, რომ ნახსენები გუნდები სამეფო თასის ნახევარფინალში 2007 წელსაც შეხვდნენ ერთმანეთს, მაშინ გამარჯვება დედაქალაქელებს ხვდა წილად.პაექრობის საუკეთესო მოთამაშე კი ფელიპე რეისი გახდა (24 მოპოვებული ქულით).

იმ შემთხვევაში, თუ "რეალი" "ლაბორალს" დაამარცხებს, ფინალში მისი მეტოქე "ბარსელონა"-"ვალენსიას" წყვილის გამარჯვებული იქნება.