ბრაზილიელმა კაზემირომ გუშინდელი შეხვედრის შემდეგ ჟურნალისტებთან ისაუბრა...

„ვულოცავ ყველა მადრიდისტას. „რეალმა“ ბრწყინვალე შეხვედრა ჩაატარა და ყველაფერს პირველივე ტაიმში დაუსვა წერტილი. თვალწარმტაცი სტარტი გვქონდა და მეტოქეს სწრაფი ფეხბურთი შევთავაზეთ. მნიშვნელოვანია, რომ გუნდის ყველა ფეხბურთელი ფორმაშია და მაქსიმალურ შედეგებს აღწევს.“

„მუშაობა გრძელდება. „რეალი“ კატალონიის „ბარსელონაზე“ არ არის დამოკიდებული. ჩვენ მოვიგებთ დარჩენილ შეხვედრებს და გავხდებით ჩემპიონები.“

„ის, რომ „ატლეტიკოს“ 3-0 მოვუგეთ, მოდუნების საშუალებას არ გვაძლევს. ვიცით, რომ სიმეონეს გუნდი საშინაო არენაზე კიდევ უფრო აგრესიული იქნება, ამიტომ ბოლომდე დავიხარჯებით.“