ფრანგი ლეგენდის აზრით ,,რეალის" მთავარი იმედები კარიმ ბენზემა და რიკი კაკა სულ მალე ათამაშდებიან სასურველ დონეზე და ბლანკოსი ლიგის ფინალში აუცილებლად გავა.

,,ზიზუმ" ასევე დაიცვა პორტუგალიელი რონალდო: ,,რონი ძალიან კარგი ფეხბურთელია და ის მთელი ძალით ცდილობს ითამაშოს უმაღლეს დონეზე და გაახაროს ,,სანტიაგო ბერნაბეუს" პუბლიკა. ის თავის მონდომებას ვარჯიშებზეც ავლენს".

,,გულშემატკივრებს მუდმივად სურთ, რომ კლუბი ლამაზად თამაშობდეს, მაგრამ ამ ეტაპზე ეს ასე არ ხდება, ამიტომაც გვანახა მადრიდულმა გრანდმა ასეთი უსახური გამოსვლა საფრანგეთში" აცხადებს ზიდანი.

ჟურნალისტები კაკას და ზიდანს ერთმანეთს ადარებენ. ფრანგ მოთამაშეს სადებიუტო მატჩები არც ისე კარგი ჰქონდა, ანალოგიური ხდება ბრაზილიელის შემთხვევაშიც, ამაზე კი ზინედინი ამბობს: ,,ასეთი რამ ყველას მოსდის. მან ადაპტაცია უკვე გაიარა. კაკას ცუდი პერიოდი აქვს, მაგრამ დარწმუნებული ვარ იგი წარმოაჩენს საკუთარ უნიკალურ შესაძლებლობებს".

ზინედინი ასევე შეეხო მისი თანამემამულის კარიმ ბენზემას ადაპტაციასაც: ,,კარიმი ,,რეალში" შემთხვევით არ თამაშობს, მან ეს მისი ტალანტით დაიმსახურა. ის ,,თეთრებს" მრავალჯერ გამოადგება, ეს ასეც უნდა იყოს, რადგან კარიმი უნიჭიერესი ფეხბურთელია".

,,სამუშაოები უნდა გაგრძელდეს, ახალგაზრდა კლუბი გვყავს და ეს ძალიან კარგია. კდიევ სულ ცოტა დრო და მერე იხილავთ ძველ ,,რეალს", რომელზეც ოცნებობთ. ნუ ნერვიულობთ ხალხო, ,,ლიონთან" მატჩი ბერნაბეუზე დაგვრჩა, პრიმერაში კატალონიელებს მხოლოდ 2 ქულით ჩამოვრჩებით და მათთანაც გვაქ სათამაშო ჩვენ კედლებში, ასე, რომ საგანგაშო არაფერია, ჯერ ყველაფერი წინაა".

ზიდანი დარწმუნებულია იმაში, რომ გუნდი ჩემპიონთა ლიგას მოიგებს: ,,ძალიან მინდა, ისევე როგორც ყველა გულშემატკივარს, რეალის გამარჯვება ჩემპიონთა ლიგაზე. ეს ჩვენი მთავარი მიზანია".

,,ზიზუ" ასევე შეეხო მის კარიერას: ,,2 წელი კიდევ შემეძლო თამაში, მაგრამ თავის დანაბება მშვიდად გადავწყვიტე".


ინფორმაციის წყარო:marca.com