კრიშტიანო რონალდუს მადრიდის „რეალში“ უჩვეულო სეზონი აქვს...

სტატისტიკის მიხედვით, პორტუგალიელი მიმდინარე სეზონით ნამდვილად ვერ იტრაბახებს, რადგან ლა ლიგაში მხოლოდ 20 გოლი აქვს გატანილი, რაც მისთვის არაფერი არ არის. 20 გოლის გატანას პორტუგალიელი მოთამაშე ჩემპიონატის პირველივე წრეში ახერხებდა ხოლმე.

ამასთანავე უნდა აღინიშნოს, რომ პორტუგალიელი ვერც ლიგაზე ახერხებდა ხშირად თავის გამოჩენას და მეოთხედფინალამდე მხოლოდ 2 გოლით მივიდა, თუმცა რა ხდება ახლა?

კრისის ანგარიშზე 10 გოლია. ის, რომ „რეალი“ დღეს ჩემპიონთა ლიგის ფინალთან ძალიან ახლოსაა სწორედ რონალდუს გოლების დამსახურებაა. ზედიზედ ორი ჰეთ-თრიკი, აწიოკებული „ბაიერნი“ და საოცარი წარმატება „ბლანკოსს“.

ფაქტია, რომ რონალდუს სპეციფიური სეზონი აქვს, თუმცა ისიც ფაქტია, რომ სწორედ ამ ფეხბურთელის გოლებმა შესაძლოა, „ბლანკოსს“ ზედიზედ მეორედ მოაგებინოს ჩემპიონთა თასი. ამ შემთხვევაში კი აღარავის გაახსენდება ის, რომ ლა ლიგაში პორტუგალიელი ყველაზე ცუდ სეზონს ატარებს.