რიკარდო კაკაც ისევე, როგორც სხვა მადრიდისტები და წარჩინებული მოსახლეობა, იცხოვრებს ცნობილ მადრიდის გარეუბან ,,La Finca"-ში.
როგორც სხვადასხვა წყაროები იტყობინებიან, ბრაზილიელმა იყიდა 7,2 მილიონიანი ორსართულიანი სახლი.

რიკისგან 400 მეტრის დაშორებით ცხოვრობს კრიშტიანუ რონალდო, ასევე აქვე ცხოვრებენ რაული, კარიმ ბენზემა და ცნობილი მრბოლელი კარლოს საინსი. ფრანგი ფეხბურთელი როგორც იქნა გადმოვიდა სასტუმროდან მილიონერთა გარეუბანში. მათ გვერდზე კი ცხოვრობს ,,ატლეტიკოს" მოთამაშე სიმაო სამბროზა.

კაკას სახლი შიგნიდან უფრო შინაურული და ოჯახურია ვიდრე პორტუგალიელის. რიკიმ და მისმა ცოლმა გადმოსვლისთანავე დაიწყეს სახლის თავისებურად დაწყობა. პირველ სართულზე ბრაზილიელი სტუმრებს მიიღებს, მას იქვე ექნება კაბინეტი, ხოლო მეორე სართულზე კი იქნება საძინებელი. ახლა შენდება ბასეინი, სატრენაჟორო დარბაზი და ასე შემდეგ.

რონალდუსგან განსხვავებით, კაკამ, მისმა ცოლმა-კაროლინამ და შვილმა ლუკამ ეს სახლი უკვე იყიდეს, აქედან გამომდინარე რიკარდო დიდი ხანი აპირებს ,,რეალში" დარჩენას. თუ გაქვთ რამდენიმე მილიონი და ხართ საკმაოდ გავლენიანი პიროვნება ("La Finca" რიგით მილიონერებს არ იღებს) მაშინ იყიდეთ სახლი ამ უბანში და თქვენ იქნებით ისეთი ადამიანების მეზობლები როგორებიც არიან: კაკა, რონალდო, რაული და ბენზემა.


ინფორმაციის წყარო:elmundo.es