ის "რეალისათვის" ფეხბურთელი, მწვრთნელი და სპორტული დირექტორი იყო.მისი სახელი და გვარი მჭიდრო კავშირშია მადრიდიზმთან.სამწუხაროდ, 2010 წლის 12 თებერვალს, მადრიდულმა და საერთოდ საფეხბურთო სამყარომ ბუმბერაზი ადამიანი გააცილა ამქვეყნიურობიდან.

ლუის მოლოვნი სანტა კრუზ დე ტენერიფეში მოევლინა დედამიწას, 1925 წლის 12 მაისს.მადრიდის "რეალის" ღირსების დაცვა კი 1946 წელს დაიწყო და 1957 წლამდე გააგრძელა.10 უნიკალური სეზონის შემდეგ ლუისი ესპანური ფეხბურთის კუმირი (გენიოსი) გახდა.სასწაულებრივმა სისწრაფემ და გამჭოლმა პასებმა, ის გულშემატკივრების სათაყვანებელ ადამიანად აქცია.

კანარის კუნძულებიდან დედაქალაქამდე

მოლოვნიმ ბურთის გაგორება ადრეული ასაკიდან დაიწყო, თუმცა მხოლოდ 15 წლის ასაკში გადაწყვიტა, რომ ფეხბურთი მისი სამომავლო პროფესია უნდა ყოფილიყო.მიუხედავად მცირეწლოვანებისა, ლუისმა უმალ მიიპყრო ყურადღება საფეხბურთო გუნდებისა.მისი პირველი პროფესიონალური კლუბი გახლდათ ადგილობრივი "სანტა კრუსი," სადაც დიდი ხანი არ გაჩერებულა.ფეხბურთელმა პირველ წარმატებას "მარიინოს" რიგებში მიაღწია.აღნიშნულ გუნდის რიგებში მან კუნძულის ჩემპიონატი მოიგო.

საოცნებო დებიუტი "ბარსელონას" წინააღმდეგ

1946 წელს, მადრიდის "რეალში" გადაბარგების შემდეგ, მოლოვნი თავის დებიუტს მოუთმენლად ელოდა.ნიშანდობლივია, რომ ლუისს სადებიუტო შეხვედრის გამართვა კატალონბიური გრანდის წინააღმდეგ მოუხდა."ჩამარტინზე" შეკრებილი პუბლიკა ყურადღებით აკვირდებოდა გუნდის ახალწვეულს, შეიძლება ითქვას, რომ მოთამაშემ მათ იმედი არ გაუცრუა.მაშინ, როდესაც მატჩის ფინიშამდე რამდენიმე წუთით კლუბები ყაიმზე თითქოსდა შეთანხმებულნი იყვნენ, მოლოვნის თავურმა დარტყმამ იფეთქა...დამერწმუნებით, რომ ასეთი დებიუტი მხოლოდ აუხდენელ ოცნებათა სიაში შეიძლება ვიპოვოთ, თუმცა ლეგენდარულმა მადრიდისტამ ეს მოახერხა.

მოლოვნის მეორე გაბრწყინება და დედაქალაქელი ინჩასების საბოლოოდ გულის დაპყრობა იმავე წლეს მოხდა.საშობაო არდადეგების წინ მადრიდში ტურნეთი ჩამოსულიყო იყო არგენტინული "სან ლორენსო," რომელმაც რამდენიმე ესპანურ გრანდთან ისპარინგა.სამხრეთ ამერიკელმა სტუმრებმა, პირინეულ გუნდებში დაუძლეველის სტატუსი მიიღეს.საინტერესოა, რომ "ატლეტიკოსა" და ნახსენებ გუნდს შორის გამართული ჯახი 1-4 დასრულდა არგენტინელების სასარგებლოდ.შესაბამისად, მადრიდის "რეალმაც" გამართა ტესტ-შეხვედრა "სალ ლორენსოსთან.""თეთრებმა" სწორედ მოლოვნის ძალისხმევით შეძლეს 4 გოლის გატანა.გადმოცემით ვიცით, რომ აღნიშნულ შეხვედრაში ლუისი შეუდარებელი ყოფილა.

წარმატებული მწვრთნელი

ლუის მოლოვნი "რეალი" მთავარი დამრიგებელი ოთხჯერ იყო (1974, 1977/79, 1982 და 1985/86).ის სწორედ მაშინ ინიშნებოდა მწვრთნელად, როდესაც საყვარელი გუნდი ძალზედ საჭიროებდა ამას.ლეგენდარულმა ადამიანმა გუნდთან ერთად სამეფო თასი, ორი ლა ლიგა და უეფას თასი მოიგო.სამწვრთნელო კარიერის შემდეგ ის "რეალის" სპორტული დირექტორიც გახდა, თუმცა მალევე დაასრულა მოღვაწეობა საფეხბურთო სამყაროში.

2001 წელს როდესაც სამეფო გუნდი კანარის კუნძულებზე იმყოფებოდა, დონ პერესმა ლუის მოლოვნი საპატიო ორდენით დააჯილდოვა.დაჯილდოვების ცერემონიას ესწრებოდა ალფრედო დი სტეფანო, რომელიც ლუისი დიდი მეგობარია.

ლუის მოლოვნი
პოზიცია: მარცხენა ნახევარმცველი
გუნდში ჩატარებული მატჩები: 191 ოფიციალური და 71 ამხანაგური
ნაკრები ჩატარებული მატჩები: 7
ტიტულები: 2 პრიმერა, 2 კანარის კუნძლების თასი, 1 ესპანეთის თასი და 1 ევროპის თასი

მადრიდიზმი არასოდეს დაივიწყებს იმ შრომასა და ჯაფას, რაც ლუისმა გაიღო სამეფო გუნდისათვის. ჰალა მალოვნი !