ალვარო არბელოამ დღეს სამედიცინო გამოკვლევა Sanitas La Moraleja Hospital-ში ჩაიტარა. ფეხბურთელი მწყობრშია და მისი ფიზიკური მდგომარეობა შესანიშნავია.

ფეხბურთელი დღეს მადრიდში 11:00-ზე ჩაფრინდა. მას ძალიან ბევრი თაყვანისმცემელი დახვდა. ასევე არბელოას აეროპორტში ძალიან ბევრი ჟურნალისტი დახვდა, რომლებიც მსოფლიოს სხვადასხვა ქვეყნიდან იყვნენ ჩამოსულები.

ალვაროს გამოკვლევა 90 წუთის მანძილზე გრძელდებოდა. მას დღეს შარდისა და სისხლის ანალიზი აუღეს. ასევე დაწვრილებით გამოიკვლიეს მთელი სხეულის ყველა კუნთი. საერთო ჯამში გამოკვლევამ აჩვენა, რომ არბელოა ნორმალურ ფორმაშია.

"მისი ფიზიკური მდგომარეობა დამაკმაყოფილებელია," განაცხადა ექიმმა, კარლოს დიასმა, "სამივე ტესტმა აჩვენა, რომ ფეხბურთელი ნორმალურ ფორმაშია. როგორც არბელოამ მითხრა, "რეალში" თამაში მისი ოცნება იყო და იგი ვერ ითმენს სანამ შეუერთდება გუნდს."