ალვარო მორატამ „დეპორტივოსთან“ შეხვედრის შემდეგ ჟურნალსიტებთან ისაუბრა...

„ზინედინ ზიდანს ვუმტკიცებ, რომ მეტ სათამაშო დროს ვიმსახურებ. საკუთარი გამოსვლით კმაყოფილი ვარ. მთავარმა მწვრთნელმა სასტარტო შემადგენლობაში შეტევითი სტილის მოთამაშეები გაამწესა და შედეგიც მიიღო.“

„ლა კორუინიელებთან თამაში იოლი არ არის, მაგრამ 2-6 შესანიშნავი ანგარიშია, ეს ყველაფერი კი მოტივაციისა და შრომის შედეგია.“

„ყოველთვის მიხარია გოლის გატანა, ვინაიდან ფორვარდი ვარ და ჩემი საქმე სწორედ ეს არის.“

„რამოსის არყოფნა გუნდს ყოველთვის ეტყობა, მაგრამ სერხიოს ახლა დასვენება გამოუვიდა. ესპანელი მუდამ სასტარტოშია, ამიტომ დისკვალიფიკაციის გამო ცოტას დაისვენებს.“

„მომდევნო ტური საკმაოდ მძიმე იქნება. არ აქვს მნიშვნელობა ვალენსიელთა სატურნირო მდგომარეობას. ამ გუნდში ძალიან ძლიერი ფეხბურთელები ირიცხებიან.“