ცხადია, მსაჯის არასამართლიანი გადაწყვეტილებები ფეხბურთის შემადგენელი ნაწილია.ნებსით თუ უნებლიეთ, არბიტრები ხშირად უშვებენ შეცდომებს ამა თუ იმ გუნდის სასარგებლოდ.

"ელ კლასიკოს" დასრულების შემდეგ, სამეფო კლუბის ქომაგებს შორის დიდი აჟიოტაჟი გამოიწვია მატჩის დებიუტში დაფიქსირებულმა ეპიზოდმა, როდესაც უმტიტის მხრიდან აშკარა თამაშის წესის დარღვევაზე, ალეხანდრო ერნანდესმა თერთმეტმეტრიანი არ დანიშნა "ბარსელონას" კარში.ბევრის აზრით, მთავარმა რეფერიმ შეხვედრის დასაწყისში ვერ გარისკა ნიშნულისკენ ხელის გაშვერა, მაგრამ საინტერესოა ის არის, რომ მიმდინარე სეზონში, "ბლაუგრანას" საწინააღმდეგოდ არასდროს ინიშნება პენალტი.

ევროპის წამყვან 5 ჩემპიონატში, "ბარსელონა" ერთადერთი გუნდია, რომლის მოთამაშეები ერთხელაც კი არ დასჯილან საკუთარ საჯარიმოში უხეში თამაშის გამო.არადა, "რეალის" კარის ბადე უკვე 4 თერთმეტმეტრიანს მოითვლის.

MARCA