მადრიდის "რეალის" მთავარმა მწვრთნელმა, მანუელ პელეგრინიმ გუშინდელი მატჩი შეაჯამა და კომენტარი გააკეთა.

"ეს არ იყო ჩვენი თამაში. გუშინ წავაგეთ და თან გავუშვით ძალიან მნიშვნელოვანი გოლი, რაც "ლიონს" შემდეგი ეტაპისთვის ხელს აძლევს."

"ყველამ ვიცოდით, რომ ეს შეხვედრა ძალიან რთული იქნებოდა და დიდი ხნის მანძილზე ვემზადებოდით, თუმცა მათი დამარცხება მაინც ვერ შევძელით. ორ კვირაში გაიმართება ჩემპიონთა ლიგის საპასუხო მატჩები. მე ყველანაირად ვეცდები გუნდი დავაბალანსო."

"გუნდმა ასე თუ ისე კარგად ითამაშა, განსაკუთრებით ბოლო წუთებში. ნურავის დაავიწყდება, რომ "ლიონს" გასვლაზე დავუპირისპირდით."

"ოლიმპიკის ფეხბურთლები ფიზიკურად ძალიან კარგად იყვნენ მომზადებული და შეტევებს სწრაფად ანვითარებდნენ. განსაკუთრებით მინდა აღვნიშნო დიარას თამაში. იგი ტანმაღალი ფეხბურთელია და მეორე სართულზე ორთაბრძოლებში ძალიან კარგად თამაშობდა."