გავრცელებული ინფორმაციით, მადრიდის „რეალის“ პრეზიდენტმა, ფლორენტინო პერესმა მისი ნდობით აღჭურვილი პირები, ფრანგი მბაპეს წარმომადგენლებთან მოლაპარაკებების დასაწყებად წარგზავნა...

ვრცელდება ინფორმაცია, რომ „ბლანკოსის“ პრეზიდენტი მბაპეს ზაფხულში „რეალში“ გადმოსვლას და 7 წლიან კონტრაქტს სთავაზობს, რომლის მიხედვითაც, ახალგაზრდა წინახაზელი ესპანეთის დედაქალაქში მინიმუმ 2024 წლამდე დარჩება.

ასევე ვრცელდება ინფორმაცია, რომ მბაპეს ხელფასი „მერენგების“ რიგებში პირველი 2 წლის მანძილზე 4.5 მილიონი, შემდეგ კი 7.5 მილიონი ევროთი განისაზღვრება, რაც რამდენჯერმე აღემატება ფეხბურთელის ახლანდელ სარგოს.