ტრადიციისამებრ, მადრიდის "რეალი," ზაფხულში სხვადასხვა ქვეყნებში გადის წინასასეზონო მომზადების ეტაპს.ბოლო წლებში "თეთრები" ამერიკულ-კანადურ ტურნეს ირჩევდნენ.

2005 წლის შემდეგ (პერესის წასვლის შემდეგ), სამეფო გუნდი აზიურ ტურნეზე უარს ამბობდა, თუმცა როგორც კი დონ ფლორენტინო მეორედ მოვიდა კლუბის სათავეში, უმალ დაიწყო მოლაპარაკებები აზიელ პარტნიორებთან საზაფხულოს ტურნეს თაობაზე.

თავის ისტორიაში, "რეალს" სულ სამჯერ ჰქონდა ტურნე აზიაში.პირველად ეს იყო 2003 წელს, როდესაც ზაფხულში გუნდმა ჩინეთსა და იაპონიაში იმოგზაურა.მეორედ მადრიდელებმა მხოლოდ ტოკიოს მიაშურეს, ხოლო მესამედ აზიის სხვადასხვა ქალაქებში გაჩერდნენ, ხოლო შემდეგ კი აშშ-ში გაფრინდნენ.

როგორც უკვე ცნობილია, ამ ზაფხულს სამეფო გუნდი კვლავ აზიაში ჩავა.კონკრეტულად, "რეალი" ტოკიოში (იაპონია), პეკინში (ჩინეთი) და სეულში (სამხრეთ კორეა) გამართავს სამ შეხვედრას.სავარაუდოდ, მადრიდელები ჯამში 7 მილიონ ევროს მიიღებენ აღნიშნული კონტინენტის კლუბებისაგან.აქვე უნდა აღინიშნოს, რომ მომავალ ტურნეში გუნდის ყველა ვარსკვლავი მიიღებს მონაწილეობას.