ლიონის მთავარმა მწვრთნელმა კლოდ პუელმა ისაუბრა ჩემპიონთა ლიგის მერვედფინალურ მატჩზე, სადაც მისი გუნდი მადრიდის რეალს დაუპირისპირდება.

პუელი: "მხოლოდ რონალდოს შეჩერებას აზრი არ აქვს, ვინაიდან მადრიდის რეალში თამაშობენ ისეთი ფეხბურთელები, როგორიც არის გონსალო იგუაინი, კაკა და თუნდაც ბენზემა. მართალია ჩვენ ვერ ვასპარეზობთ ისე, როგორც რეალი, მაგრამ ბოლო ხანებში პროგრესი იგრძნობა. თუ წარმატების მიღწევა გვინდა"ბლანკოსის" წინააღმვდეგ ასმაგი მოტივაციით უნდა გავიდეთ სათამაშოდ."

"ძალიან მნიშვნელოვანი თამაშია ლიონისთვის, ვინაიდან კლუბი ყოველთვის ახერხებს მერვედფინალში გასვლას, ხოლო შემდეგ სვლას აფერხებს, ამიტომ ვეცდებით მთელი ძალებით შევუტიოთ მადრიდის რეალს და მოვიპოვოთ მეოთხედფინალის საგზური."

"რაც შეეხება ბენზემას, იგი ძალიან ნიჭიერი ფეხბურთელია და ინდივიდუალურად შეუძლია მატჩის ბედის გადაწყვეტა, თუმცა ეს იმას არ ნიშნავს, რომ იგი გუნდური ფეხბურთელი არ არის. მოხარული ვარ, რომ იგი სწორედ მადრიდის რეალში გადავიდა, რადგან ეს არის მსოფლიოს ერთ-ერთი საუკეთესო გუნდი და თუ ფეხბურთელს უნდა თავისი პროფესიონალიზმის დამტკიცება, ეს სწორედ სამეფოკლუბში უნდა გააკეთოს."