მადრიდის რეალმა განაახლა ვარჯიში და აქტიურად ემზადება ჩემპიონთა ლიგის მერვედ ფინალისთვის. გუნდის ლაზარეთში ამჟამად მხოლოდ სამი ფეხბურთელი რჩება ესენი არიან: დუდეკი, მეცელდერი და პეპე. გუტი და ბენზემა, რომლებმაც წინა მატჩი ტრავმის გმაო გამოტოვეს, უკვე სრული დატვირთვით ვარჯიშობენ.

როგორც ვიცით გუტის მარჯვენა ფეხის კოჭი აწუხებდა, მადრიდის რეალის სამედიცინო შტაბის ცნობით, ესპანელმა გამთამაშებელმა უკვე მოირჩინა ტრავმა და მას მისცეს უფლება სრული დატვირთვით ევარჯიშა. გუტის მსგავსად ბენზემამაც მოირჩინა ტრავმა და შასრულა როგორც ფიზიკური, ასევე ტექნიკური სავარჯიშოები. ექსპერტთა ვარაუდით ფრანგი ფორვარდი ლიონის წინააღმვდეგ ძირითად შემადგენლობაში გამოჩნდება და დაეხმარება იგუაინს. როგორც ზემოთ აღვნიშნე ლაზარეთში მხოლოდ სამი ფეხბურთელი დუდეკი, მეცელდერი და პეპე რჩება.


ვარჯიშის დასრულების შემდეგ პელეგრინიმ ფეხბურთელები ორ გუნდად დაყო და ერთმანეთში ათამაშა. ამ თამაშში მონაწილეობა არ მიუღია ხაბი ალონსოს, რომელიც ფიზიკური კონდიციების აღდგენითი ვარჯიშებით იყო დაკავებული. ამის შემდეგ ფეხბურთელებმა ივარჯიშეს ფიტნესისა და დრიბლინგის მწვრთნელის ხოსე კაბელოს ხელმძღვანელობის ქვეშ.


მეკარეების მწვრთნელმა შავიერ მანკოსიდორმა იხმო რეალ მადრიდ C-ს მეკარე ტიტო, რომელმაც ივარჯიშა კასილასთან და ადანთან ერთად.