სახელი: რაფაელ ვან დერ ვაარტი

დაბადების დღე/თვე/წელი: 11 თებერვალი 1983 წ.

დაბადების ადგილი:ჰემსკერკი, ჩრდილოეთ ჰოლანდია

სათამაშო პოზიცია: შემტევი ნახევარმცველი

საკლუბო კარიერა:

1987-1993 – "დე კენემერსი"

1993-2005 – "აიაქსი"

2005-2008 – "ჰამბურგი"

2008-დღემდე – "მადრიდის რეალი"

ყავისფერი თვალები და იმპულსური ხასიათი რაფაელ ვან დერ ვაარტის დედისგან–ესპანელი ლოლიტისგან გამოყვა. დედამისი ჰოლანდიაში მუშა მიგრანტების სტატუსით მოხვდა. იგი ანდალუიზის ქალაქ ჩიკლანა დე ლა ფრონტერადანაა წარმოშობით. თამაშისადმი სიყვარული რაფას მამა რამონისგან გამოყვა. რამონი სულით პროფესიონალი ფეხბურთელი იყო, ხოლო მოწოდებით კი მექანიკოსი. ისინი თავიდანვე მიეჩვივნენ ბოშურ ცხოვრებას, ვინაიდან ცხოვრების უდიდესი ნაწილი ე.წ. „კემპინგებში“ აქვთ გატარებული. მათ იზიდავდათ ბოშათა ცხოვრების წესი, გამონაკლისი იყო რაფა და მისი უმცროსი ძმა, რომელთა გვერდით ბავშობიდან მოყოლებული ყოველთვის მოიძებნებოდა ადგილი ბურთისთვის.

სამუშაოს შემდეგ რამონი ლუდს ყიდულობდა და შვილთან ერთად სეირნობდა, ცარიელი ბოთლები რაფასთვის კარების როლს ასრულებდა ან კიდევ სხვა იმ ფუნქციების შესრულებისთვის იყენებდა მას, რაც საჭირო იყო ვარჯიშისთვის. არც თუ ისე სახარბიელო „საფეხბურთო ინვენტარები“ დაეხმარა რაფას განევითარებინა თავის თავში იმპროვიზაციის უნარი, ყოფილიყო დაბალანსებული და ყურადღებიანი. ოთხი წლის ბავშვი ადგილობრივ კლუბ „დე კენემერსში“ აიყვანეს. აღსაზრდელებს აძლევდნენ უფლებას მოეხდინათ საკუთარი ტექნიკის დემონსტრირება და საკუთარ თავზე აეღოთ ლიდერის ფუნქციები. ამას შესნაიშნავად იყენებდა ვან დერ ვაარტი და ის ბრწყინავდა საკუთარ კლუბში. შეუძლებელი იყო მისი თამაში ყურადღებიდან გამოჰპარვოდათ „აიაქსის“ სკაუტებს.

ნამდვილი აიაქსელის ხელწერა

საფეხბურთო სამყაროს უდიდესი ფაბრიკის „კონტეინერში“ რაფაელ ვან დერ ვაარტი 10 წლის ასაკში მოხვდა. ის ერთ–ერთია იმ მრავალთაგან, რომელსაც მოუწევდა აეთვისებინა „4–3–3“ ტაქტიკური სქემა და ამავდროულად მოუწევდა გამოსულიყო სხვადასხვა ასაკობრივ ჯგუფში. ახალგაზრდა რაფა მზად აღმოჩნდა ყოველდღიური დატვირთვისთვის და არ საჭიროებდა არანაირ დამატებით მოტივაციას: წვიმა, მზე, თოვლი... ის არასდროს წუწუნებდა. მაგრამ უნდ ააღინბიშნოს, რომ მწვრთნელები სულ ებრძოდნენ მის იმპროვიზაციის თვისებას: იყო შემთხვევები და არა ერთი, როცა ჯერ კიდევ ახალგაზრდა ვან დერ ვაარტი სრულიად არღვევდა მწვრთნელის დავალებებს და მოედანზე ისე იქცეოდა, როგორც ამას საჭიროდ ჩათვლიდა. მან უკვე იმ დროს იცოდა, თუ რა უნდა ეკეთებინა, ხოლო ვინც არ ეთანხმებოდა, მაგათ ამ ფაქტთან შეგუება უწევდათ.

რაფა, როგორც ნამდვილი აიაქსელი რამდენიმე პოზიციაზე თამაშობდა, იყო შემთხვევები, როცა იგი თავდასხმაშც თამაშობდა მარცხენა ფლანგზე. მაგრამ მას ყველაზე მეტად თამაშის დირიჟორობა, შეტევების წამოწყება და ხანდახან გოლების გატანა იზიდავდა.

„ჩემთვის მაგალითი იყო რომარიო. მას გოლის გატანის საოცარი ალღო აქვს–იხსენებს ვან დერ ვაარტი.–ის ხშირად ვარდებოდა საერთო გუნდური მოქმედებიდა, ბოლოს კი მოულოდნელად ჩნდებოდა და გოლს იტანდა. მაგრამ როცა 1994 წლის მსოფლიო ჩემპიონატზე მან ჰოლანდიის ეროვნულ ნაკრებს გაუტანა გოლი, მაშინ მე ის გადავიყვარე. ამის შემდეგ ჩემი კუმირი გახდა ზინედინ ზიდანი, რომელიც მოედანზე ხედავდა ყველას და ყველაფერს. როცა მას აკვირდები გეჩვენება, რომ ყველაფერი ძალიან მარტივადაა. მე ვოცნებობდი, რომ დავმსგავსებოდი ზიდანს და მქონოდა რომარიოს გოლის გატანის ალღო.“


2000 წლის აპრილში რაფამ პირველად ითამაშა „აიაქსის“ პირველ კლუბში, მაშინ „აიაქსი“ „დენ ბოშს“ ხვდებოდა და ის შეხვედრა ფრედ დასრულდა. ეს იყო მისი ერთადერთი მატჩი იმ სეზონში, მაგრამ უკვე მომდევნო სეზონში ფეხბურთელმა 27 შეხვედრაში მიიღო მონაწილეობა და 7 გოლის გატანაც მოახერხა. მას მარტო კლუბის მწვრთნელი როდი უცხადებდა ნდობას: 2001 წლის ზაფხულში ვან დერ ვაარტი გაემგზავრა მსოფლიოს ახალგაზრდულ ჩემპიონატში თანაგუნდელ არიენ რობენთან, კლაას იამ ჰუნტელაართან, ჰეიტინგასთან და მარტენ სტეკელენბყურგთან ერთად, მეოთხედფინალში რაფამ გოლის გატანა მოახერხა და მიუხედავად იმისა, რომ მისი ნაკრებია ასპარეზობას გამოეთიშა, მან მიიღო მოწვევა ეროვნულ ნაკრებისგან. მისი დებიუტი შედგა 2001 წლის 6 ოქტომბერს, ანდორის ეროვნული ნაკრების წინააღმდეგ გამართულ საკვალიფიკაციო შეხვედრის მეორე ნახევარში.


„ახალგაზრდა კრუიფი!“–გაიძახოდა პრესა. თვითონ იოჰანმა ახალგაზრდა ფეხბურთელის თამაში შემდეგნაირად შეაფასა:

„ვან დერ ვაარტი ყველა დროის ფეხბურთელია. ის შესანიშნავად ჩაჯდებოდა ჩვენი დროის „აიაქსის“ და ჰოლანდიის ეროვნული ნაკრების ნებისმიერი დროის შემადგენლობაში. მისი თამაშის სტილი თანამედროვეა და მასშია ყველაფერი , რაც ახასიათებს ჰოლანდიურ ფეხბურთს. მე მასთან ერთად სიამოვნებით ვითამაშებდი ეს რომ შესაძლებელი იყოს.“

რაფა საპასუხო ინტერვიუში მორცხვობდა, მაგრამ ფებხურთელის მიერ ნაჩვენები სტატისტიკა მაინც თავისას ამბობდა: 2001–2002 წწ–ების სეზონში პლეიმეიკერმა ითამაშა 20 მატჩი ერედივიზიონში (ჰოლანდიის ჩემპიონატი) გაიტანა 14 გოლი, ორჯერ ითამაშა ევრო თამაშებზე , სადაც თავი ორჯერვე გამოიჩინა. უკეთესადაც შეეძლო, მაგრამ ტრავმამ ერთი წელი დააკარგვინა: ქირურგიული შეცდომა, თუ სხვა დაუკვირვებლობამ მიიყვანა იქამდე, რომ ვან დერ ვაარტმა ძივს მოახერხა მოედანზე დაბრუნება. აკრეფილი ფორმა საკმარისი გამოდგა, „აიაქსი“ ნიდერლანდების ჩემპიონატის სათავესი მოექცა, ხოლო რაფაელმა კიდევ ერთი მორიგი ინდივიდუალური ჯილდო მიიღო. თასები მომდევნო სეზონშიც იყო: კლუბმა გამარჯვება მოიპოვა ამსტერდამის საფეხბურთო ტურნირში, ხოლო ვან დერ ვაარტი, რომელმაც ორი გოლი გაუტანა „ბარსელონას“ საუკეთესო ფებხურთელად დაასახელეს. ამავე დროს მან გააუმჯობესა შარსანდელი შედეგები: 21 შეხვედრაში 18 გოლი.


20 წლისა უკვე ეროვნული ნაკრების ფეხბურთელი იყო, ემზადებოდა კაპიტნის სამკლაურის მისაღებად და ამავდროულად ხშირად ჩნდებოდა მოდური ჟურნალების გარეკანზე. ამ უკანასკნელ მორცხვი ბავშვი დღემდე ვერ მიეჩვია, პირველი პროფესიული ჰონორარით რაფამ მშობლებს ორსართულიანი სახლი უყიდა ამსტერდამიდან ნახევარი საათის სავალზე. დიდ ეკრანიანი ტელევიზორის წინ დივანზე ფებხურთელის ყველაზე დიდი გულშემატკივრები განიცდიან რაფას ყველა თამაშს. ხოლო თუ მოედანზე არაა რაფა, მაშინ სანამ მსაჯის სასტვენის ხმა არ გაისმება, წერილებს უგზავნიან ერთმანეთს მობილური ტელეფონის საშუალებით. დედა სულ ეჩხუბება: „ტვინში სულ ფებხურთი გიტრიალებს“. შვილი კი პასუხობს: „ეს ჩემი ერთადერთი ნიჭია“.

დიდების მეორე მხარე

2003–2004 წწ–ების სეზონიდან მოყოლებული წარმატება ისე ჩანდა, რომ სულ უნდ აგაგრძელებულიყო. კლუბის ვარსკვლავის სტატუსი, კაპიტნის სამკლაური, სუპერ კლუბების მთავარი საკბილე... ყვეკლაფერი ეს თავს დაატყდა ახალგაზრდა ფეხბურთელს. კრეატიულ ნახევარმცველს ყველა მხრიდან უტევდნენ: პროფესიონალურ დონეზე, პირად ცხოვრებაშიც, მწვრთნელებიც, პარტნიორებიც, გულშემატკივრებიც...

„აიაქსის“ მაშინდელი მწვრთნელი რონალდ კუმანი ვან დერ ვაარტით კმაყოფლი აშკარად არ იყო, დიკ ადვოკაატისგან განსხვავებით, რომელიც ეროვნული ნაკრების თამაშს რაფაელის შესაძლებლობებზე აგებდა, მაგრამ ის არ აპირებდა კაპიტანისთვის სრული თავისუფლება მიეცა მოედანზე. ამავდროულად „აიაქსის“ ლიდერების ურთიერთობას გულშემატკივრებთან და მათ მხიარულიუ ცხოვრბეის წესში კუმანი ვარსკვალვურ გამოცდას ხედავდა და თვლიდა, რომ მისი შეგირდები ვერ შეძლებდნენ ამ ტესტის ჩაბარებას. რაფა საპასუხოდ მწვრთნელს აკრიტიკებდა: ახალგაზრდა ფებხურთელები, როგორებიც იყვნენ უესლი სნეიდერი და თვითონ, არ გრძნობდნენ მხარდაჭერას მწვრთნელის მხრიდან. კომპრომისს ვერ მიაღწიეს: ფორვარდი მიდო კონფლიქტის შემდეგ გაყიდეს, ხოლო კაპიტანი კი ვარსკვლავური ავადმყოფობის სამკურნალოდ კარანტირში გაუშვეს.


ევროპის 2004 წლის ჩემპიონატი ჰოლანდიისთვის სერიოზული იმედგაცრუება გამოდგა. ნახევარფინალში პორტუგალიასთან საბოლოოდ დაფიქსირებულმა შედეგმა 2:1 მასპინძლები გაიყვანა ფინალში. ამით საერთაშორისო ტურნირებში ვან დერ ვაარტის წარუმატებლობა არ დამთავრებულა.

ხმები მისი და ზლატან იბრაგიმოვიჩის დაძაბული ურთიერთობის შესახებ აქტიურად ვრცელდებოდა. დაძაბულობა განსაკუთრებით გამძაფრდა 2004 წლის 18 აგვისტოს, ჰოლანდიისა და შვეიცარიის დაპირისპირებს დროს, როცა ვან დერ ვაარტი იძულებული გახდა მოედანი იბრაგიმოვიჩის საქციელის გამო დაეტოვებინა. მისი საქციელი პრესამ შეაფასა, როგორც „მხეცობა“. მომდევნო დღეებში ჟურნალ–გაზეთებში ჩნდება ინფორმაცია, რომ ზლატანმა თანაკლუბელს ტრავმა სპეციალურად მიაყენა და უფრო მეტიც, ეს პირველი შემთხვევა არ იყო. პრესაში ასევე გაჩნდ აჭორები იმის შესახებაც, რომ ზლატანი გასახდელში გაცოფებული დადიოდა და კისრის მოგრეხვით ემუქრებოდა თანაკლუბელს, თუ ის წუწუნს დაიწყებდა. როგორც არ უნდა ყოფილიყო, ორი კვირის შემდეგ ზლატანი „იუვენტუსში“ გადავიდა.

ტრავმის აღდგენის პროცესში რაფა უდიდეს დროს სილვია მეისთან– შესანიშნავ მოდელთან და ტელეწამყვანთან ატარებდა. ჰოლანდიის ყველაზე პოპულარული წყვილის რომანს დიდ დროს უთმობდნენ: ყველგან ცხვირის ჩამყოფი რეპორტიორები აფიქსირებდნენ მათ თითოეულ ნაბიჯს. ჟურნალ–გაზეთები ფოტოსურათებმა წალეკეს... პუბლიკამაც არ დააყოვნა: მან წონაში მოიმატა, ის კლუბებში იკარგება... ფეხბურთელს, რომელსაც აქტიური ცხოვრება იზიდავდა, ყველაფერი ეს ყელში ამოუვიდა და აღიზიანებდა, ამიტომ საზღვარგარეთულ კარიერაზე დაიწყო ფიქრი...

„თუ მე ცუდად ვთამაშობ, ამბობენ, რომ ეს სილვიას ბრალია... ინგლისში და ესპანეთში ხალხი ამას სედარებით უფრო გაგებით და მშვიდად ეკიდება...“

მაგრამ სიტუაცია უკვე კონტროლს აღარ ექვემდებარებოდა. სექტემბერში მსაჯები იძულებულნი გახდნენ შეეჩერებინათ თამაში ტრიბუნებიდან სილვია მეისის მიმართ გამოთქმული უწმაწური სიტყვების გამო... გულშემატკივრებზე იმოქმედა სტადიონზე გაკეთებულმა განცხადებამ, რომ შესაძლოა თამაში გადადებულიყო. მომხდარის განხილვა პარლამენტს მიანდეს, მაგრამ რაფასთვის უკვე ყველაფერი გადაწყვეტილი იყო.

ქალაქი, სადაც წვიმა მოდის

რაფას მიმართ ინტერესს ევროპული გრანდები აქტიურად გამოთქვამდნენ, მაგრამ მას გული ყველაზე მეტად ესპანეთისკენ მიუწევდა,სადაც მისი ბებია და ბაბუა ცხოვრობდნენ. ის ამბობდა, რომ მისთვის სულ ერთია „რეალი“ იქნება თუ „ბარსელონა“ , მაგრამ თუ გადავა–მხოლოდ სუპერ კლუბში. ტრავმების სიხშირისა და საფეხბურთო ფორმის დაკარგვის გამო, ფებხურთელის ფასი დავარდა, მაგრამ არავინ არ მოელოდა, რომ რაფა „აიაქსიდან“ ასე მცირე თანხად გადავიდოდა და სად?


ჰოლანდიელებს ჰამბურგი მიაჩნიათ ქალქად, სადაც სულ წვიმს. ხოლო რაც შეეხება ფებხურთს–ადგილობრივმა კლუბმა ბოლო ტიტული მაშინ მიიღო, როცა ვან დერ ვაარტი დაიბადა, სადღავ 20 წლის წინ.
„არ ვიცი რა ვთქვა ამაზე, ან იმაზე, თუ რას აკეთებს ვან დერ ვაარტი „ჰამბურგში“ –დაწერს "De Telegraaf"–თან ინტერვიუში იოჰან კრუიფი.

გერმანული კლუბის მთავარმა მწვრთნელმა, ტომას დოლმა ყველაფერი ისე გააკეთა, როგორც სურდა. თვითონ ჩაფრინდ აამსტერდამში და დაარწმუნა ფებხურთელი, რომ ის იყო ის, ვინც მას ჭირდებოდა და წარმოთქვა მთავარი მომაჯადოვებელი სიტყვა:

„შენ შეგიძლია ითამაშო, როგორც მარჯვენა ფლანგზე , ასევე მარცხნივაც, სენ თავისუფალი ხარ და რაც გინდა ის ქენი მოედანზე.“

კლუბის მფლობელებმა მოიწვიეს სილვია და ქალაქში ექსკურსია მოაწყვეს, რამაც სილვიაზე დიდი შთაბეჭდილება მოახდინა კიდეც. ამავდროულად უცნაურად დაემთხვა ყველაფერს ის ფაქტიც, რომ გერმანულმა MTV–მ მას სამუშაო შესთავაზა. ერთი სიტყვით, რომ ვთქვათ, „ჰამბურგმა“ შესთავაზა ის, რაც წყვილს ყველაზე მეტად ჭირდებოდა: სიმშვიდე და სტაბილურობა.

„მინდა ყველამ გაიგოს, რომ ეს ჩემი კარიერის ტრამპლინი არაა. მე ბევრი რამის მიღწევას ვაპირებ გერმანიაში.“ –განაცხადა რაფაელ ვან დერ ვაარტმა, როცა გადასვლა გადაწყვიტა. იმავე წელს ის და სილვია დაქორწინდნენ, ხოლო ერთი წლის შემდეგ შვილი შეეძინათ.

პირველივე სეზონში „ჰამბურგმა“ უინტერტოტო–2005–ს თასი მოიგო და პრიზიორთა სამეულშიც მოხვდა, რაც ჩემპიონთა ლიგაზე თამაშის საშუალებას აძლევდა. რაფა კლუბის საუკეთესო ბომბარდირი გახდა და მომდევნო წელს უკვე კაპიტნის როლში მოგვევლინა.

„მსოფლიო დონის ფეხბურთელებზე მათი თამაში მეტყველებს და არა სიტყვები. რაფაელი გვაკვირვებს საკუთარი თამაშით და სტაბილურობით–განაცხადა ჰოლანდილეზე უვე ზელერმა–„ჰამბურგის“ მიღწევებში დიდია მისი წვლილი“.

2007 წლის ზაფხულში ნახევარმცველზე ნადირობა გაგრძელდა. მიუხედავად პირობისა „ჰამბურგის“ ხელმძღვანელობა არ გაუშვა ვან დერ ვაარტი ესპოანეთში, როცა ვალენსიამ მასში 14 მლნ. შესთავაზა.რაფას არ დაუწყია საწვრთნელი ვარჯიშების ბოიკოტირება და ა.შ. პირიქით, ის აგრძელებდა თამაშს და გოლის გატანას: შვიდ შეხვედრაში ზედიზედ შვიდჯერ გატანილი გოლით, მან ზელერის რეკორდი გაიმეორა. თითოეულ კლუბში ჰოლანდიელი საოცარი შედეგიანობით გამოირჩეოდა: ერედივიზიონში 117 შეხვედრაში გატანილი 52 გოლი და ბუნდესლიგაში 74 შეხვედრაში გატანილი 29 გოლი, დამეთანხმებით კარგი მაჩვენებელია.

საოცნებო ესპანეთი ძალიან ახლოსაა


"A dream move" (ამ სიტყვებით აღწერა ვან დერ ვაარტმა მისი გადასვლა „მადრიდის რეალში“)

2008 წლის აგვისტოში ვან დერ ვაარტმა შეავსო საფემო კლუბის შემადგენლობა. ის გახდა კლუბის ერთადერთი საზაფხულო შენაძენი რონალდუს ჩაშლილი ტრანსფერის შემდეგ. რობინიოს „მანჩესტერ სიტიში“ გადასვლისა და უესლი სნეიდერის ტრავმების შემდეგ ბერნდ შუსტერ ახალი ფებხურთელის ხილვა სურდა, ხოლო რაფა კი არსებულ სქემაში შესანიშნავად ჯდებოდა. მან პირველივე ჯერზე დაიწყო გოლის გატანა და „ხიხნონის სპორტინგის“ წინააღმდეგ თამაშში შესრულებული ჰეთრიკის წყალობით პირველი ტურის შემდეგ ბომბარდირთა სიას ჩაუდგა სათავეში.

შუსტერის გაშვების შემდეგ , სამწვრთნელო შტაბს ხუანდე რამოსი ჩაუდგა სათავეში., ის რაფაელ ვან დერ ვაარტს არ ენდობოდა. ფლეიმეიკერი კვლავ უკან სვლით მიდიოდა. 2008–2009 წლების სეზონში ის 30–ზე მეტჯერ გამოვიდა მოედანზე, მაგრამ ძირითადად სათადარიგოთა სკამიდან შემოდიოდა შეცვლაზე. ამ დროს მის მეუღლე სილვიას სიმსივნე აღმოაჩნდა. რაფაელი ცდილობდა ვაჟკაცურად გამკლავებოდა ამ უბედურებას და იმ პერიოდში მიცემულ რამდენიმე ინტერვიუში აღნიშნავდა კიდეც:

„მინდა „რეალში“ დავრჩე, მინდა აქ ვითამაშო“

2009 წლის გალაქტიკოსის ერას წერტილი უნდა დაესვა ვან დერ ვაარტის მადრიდული კარიერისთვის. ის არ ჭირდებოდა არც მწვრთნელს და არც ხელმძღვანელობას. მან შესანშნავად ითამაშა წინასასეზონო ერთ–ერთ შეხვედრაში,რის შემდეგაც ჩამაოშორეს კლუბს, ხოლო მისი სათამაშო ნომერი მისცეს ესტებან გრანეროს. საბოლოო ჯამში ჰოლანდიელი დარჩა, იმიტომ რომ მისი კარგ ფასად მყიდველი არ აღმოჩნდა. ის არ წუწუნებდა და სამაგალითოდ იქცეოდა. მან მხოლოდ ერთხელ მისცა უფლება საკუთარ თავს ეთქვა:

„მე არავინ არ მიხსნის, თუ რატომ არ ვთამაშობ, ამის საშუალებასაც არ მაძლევენ“ .

ესპანელი ექიმები დაეხმარნენ სილვიას დაეძლია საშინელი ავადმყოფობა, ხოლო მისი ქმარი შუა სეზონში კვლავ საჭირო გამოდგა: ბრაზილიელმა კაკამ ტრავმა მიიღო და შეტევის ორგანიზების უფლება რაფაელ ვან დერ ვაარტს მიანდეს. თავდაუზოგავი შრომის შედეგად საწვრთნელი ვარჯშებისას, რაფაელ ვან დერ ვაარტმა შესანიშნავი სათამაშო ფორმა აჩვენა და ბრწყინვალედ სეცვალა მისი კონკურენტი რიკარდო კაკა.

„მას ადრეც ქონდა სათამაშო დრო!“ – განაცხადა მანუელ პელეგრინმა, ის ალბათ გულისხმობდა მის საჩვენებლად გამოსვლას „ატლეტიკოსთასნ“ 6 წუთით, ხოლო „რასინგთან“ 3 წუთით.

ვან დერ ვაარტი დარჩა კლუბში ზამთრის სატრანსფერო ფანჯრის დახურვის შემდეგაც. ეხლა მხოლოდ ისღა დარჩენია, რომ ითამაშოს ჩემპიონატის მეორე წრეში. იმედია „მადრიდის რეალი“ მიაღწევს დასახულ მიზანს და „სანტიაგო ბერნაბეუზე“ გასამართი ფინალის შემდეგ ამაყად ასწევს მადრიდული ცისკენ პირით მზირად ჩემპიონთა ლიგის თასს მეათეჯერ. იმედია, რაფას კიდევ ერთხელ მიეცემა იმის შანსი დამტკიცოს, რომ ის იმსახურებს ნდობას და ტყუილად არ იკავებს ადგილს „მადრიდის რეალის“ ე.წ. „გალაქტიკოსთა“ შემადგენლობაში. მე მწამს ამის, უბრალოდ მას ამის დასამტკიცებლად შანსი ჭირდება.