მადრიდის „რეალის“ ფეხბურთელები მიმდინარე სეზონში მეორე სართულზე განსაკუთრებულად თამაშობენ...

ზინედინ ზიდანის გუნდის ფეხბურთელებს თავით 20 გოლი აქვთ გატანილი. მსგავსი შედეგი ევროპის წამყვანი ჩემპიონატების არცერთ გუნდს არ აქვს.

20-იდან 6 გოლი სერხიო რამოსზე მოდის, 5 კრიშტიანო რონალდუ, 3-3 ალვარო მორატასა და გარეთ ბეილს, ხოლო თითო-თითო მარკო ასენსიოზე, პეპესა და რაფა ვარანზე.

ესპანეთში „ბლანკოსის“ შემდეგ საუკეთესო შედეგი „სოსიედადს“ აქვს. სან-სებასტიანელები 13 გოლით იწონებენ თავს.

ინგლისში „სოსიედადის“ ანალოგიური შედეგი აქვს „არსენალს“, გერმანიაში „მაინცი“ ლიდერობს, რომელმაც 11-ჯერ შეძლო გოლის თავით გატანა, იტალიაში რომის „ლაციოს“ 13 გოლი დაუგროვდა, „რეალის“ შემდეგ საუკეთესო შედეგი კი ფრანგულ „მონაკოს“ აქვს, რომლის ფეხბურთელებმაც 15-ჯერ შეძლეს მეორე სართულიდან გოლის გატანა.