Goal.com-მა "ხერესთან" მატჩის შემდეგ მადრიდის "რეალის" ფეხბუთელები შეაფასა.

ძირითადი შემადგენლობა:

იკერ კასილასი - 6: მადრიდელთა მეკარეს, რომელმაც წინა ტურში მე-500 მატჩი ჩაატრა სამეფო კლუბში, ბევრი საქმე არ ჰქონია.

ალვარო არბელოა - 8: ძალიან კარგი მატჩი ჩაატარა. იგი როგორც დაცვაში, ასევე შეტევაშიც შეუდარებელი იყო და სწორედ მან მოახერხა ანგარიშის გახსნა.

სერხიო რამოსი - 7: რამოსი ცენტრში ერთ-ერთი საუკეთესო იყო, იგი მოწინააღმდეგეებს შეტევის უფლებას არ აძლევდა.

ეზეკილ გარაი - 6: გარაი ტრავმის შემდეგ ძალიან კარგად თამაშობდა და რამოდენიმეჯერ სიტუაციაც განმუხტა.

მარსელო - 5: "ხერესთან" შეხვედრა, მისი საუკეთესო მატჩი არ იყო. მან ძალიან ბევრი შეცდომა დაუშვა.

ლასანა დიარა - 6: ლასი ძალიან უხეშად თამაშობდა და რამოდენიმე შეცდომაც დაუშვა.

ხაბი ალონსო - 7: თავისი სამუშაო პირნათლად, უშეცდომოდ შეასრულა.

ესტებან გრანერო - 5: გრანერო თავდაუზოგავად ცდილობდა შეტევების განვითარებას, თუმცა უშედეგოდ.

კაკა - 7: რიკარდო კაკამ ძალან კარგი მატჩი ჩაატარა. მან ორი საგოლე პასი გააკეთა და ძალიან ბევრჯერ შექმნა სახიფათო მომენტი.

კრიშტიანუ რონალდუ - 8: ყველაზე კარგად სწორედ რონალდომ ითამაშა. ორმატჩიანი დისკვალიფიკაციის შემდეგ მან დაბრუნება დუბლით აღნიშნა.

გონსალო იგუაინი - 5: არგენტინელმა ფორვარდმა ვერაფერი მოახერხა.


შეცვლაზე შემოსულები:

რაული - 4: "ელ კაპიტანოს" ცოტა დრო ჰქონდა და ვერაფერი მოასწრო.

მაჰამადი დიარა - 5: აფრიკელმა ფეხბურთელმა რამოდენიმე შეტევა ჩაშალა.

როისტონ დრენტე - 4: დრენტეს გოლის გატანის ძალია კარგი შანსი ჰქონდა, თუმცა მოწინააღმდეგე გუნდის მცველმა მას ამის უფლება არ მისცა.