ფიგუს აზრით, ჩემპიონთა ლიგის ფავორიტი "რეალია"
მადრიდის რეალის ყოფილმა პორტუგალიელმა, ლეგენდარულმა ფეხბურთელმა, ლუიშ ფიგუმ განაცხადა, რომ ჩემპიონთა ლიგის უმთავრესი ფავორიტი სწორედ სამეფო კლუბია...
"მადრიდის რეალი ჩემპიონთა ლიგის უმთავრესი ფავორიტია, ამ გუნდს ჰყავს ის კოლექტივი, რომელსაც ნებისმიერი გრანდის დამარცხება შეუძლია, მართალია ჯერჯერობით "ბლანკოსი" არ არის საუკეთესო ფორმაში მაგრამ მარტში და აპრილში ეს გუნდი უკვე დალაგებული იქნება".
"1/8 ფინალში რეალს არ ჰყავს ძალიან რთული მეტოქე, მიუხედავად იმისა , რომ ურთიერთშეხვედრებში ფრანგებს გაცილებით უფრო კარგი შედეგი აქვთ. პელეგრინის შეგირდებისთვის წესით არანაირ პრობლემას არ შექმნის ლიონში თამაში, რეალი ეცდება მინიმუმ ერთი გოლის გატანას საფრანგეთში და შემდეგ მშვიდად და აუღელვებლად გავა მომდევნო ეტაპზე".
"საერთოდ 1/4 ფინალიდან უკვე ძალიან მძაფრდება სიტუაცია, დასკვნით ნაწილში მხოლოდ უმაღლესი კლასის გუნდები რჩებიან და ისინი არკვევენ ურთიერთობას, რეალს დიდი პრობლემების გადალახვა მოუწევს მაგრამ ყველაზე დიდი შანსი თასის მოგების სწორედ მათ გააჩნიათ" - განაცხადა ლეგენდარულმა ფეხბურთელმა.
- 13 თებერვალი 2010
- 1 839
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
