მადრიდის „რეალის“ მთავარმა მწვრთნელმა „ესპანიოლთან“ მატჩის წინ პრესკონფერენცია გამართა...

„გულშემატკივარრები მუდამ დიდ ენერგიას გვაძლევენ. ეჭვი არ მეპარება, ოთხშაბათის გარემო კვლავაც განმეორდება.“

„ბეილს სურს, რომ გუნდთან ერთად იყოს. უელსელ მოთამაშეს მინდორი მოენატრა.“

„ბეილი ყოველთვის დიდ საფრთხეს ქმნის, აქვს უდიდესი სისწრაფე და ათავისუფლებს სივრცეებს. მისი სტილის მოთამაშეები ცოტანი არიან.“

„როტაცია ზოგჯერ ძალიან მნიშვნელოვანია, რადგან ამ დროს გუნდის სრული რესურსის ათვისება ხდება. ზოგიერთს თავის გამოჩენის საშუალება ეძლევა, ზოგიერთს კი დასვენების.“

„კრიშტიანო რონალდუსთვის „ესპანიოლის“ კარში გოლის გატანა უცხო არ არის, ის აუცილებლად ითამაშებს.“

„არაფრის თქმა არ შემიძლია „ბარსელონას“ მარცხზე, უბრალოდ ვიხილეთ საოცარი „პსჟ“, რომელმაც დიდი ორგანიზებულობა გამოიჩინა.“

„რამოსის ტრავმა დიდად არ მაღელვებს, ის ძალიან მალე დაგვიბრუნდება.“

„კარიმ ბენზემამ ოთხშაბათს კიდევ ერთხელ დაამტკიცა, რომ პროდუქტიული მოთამაშეა, ფრანგი ფორვარდი დიდ სამუშაოს ასრულებს.“

„რაც შეეხება მორატას, ბოლო მატჩებში დიდი დრო ვერ მიიღო, მაგრამ აუცილებლად მიეცემა თავის გამოჩენის შანსი.“

„ძალიან ბედნიერი ვარ, რომ BBC სულ მალე მწყობრში იქნება და მოწინააღმდეგეებს შეუტევს.“