შეგახსენებთ, რომ დღეს 00:30-ზე მადრიდის "რეალს" დაუპირისპირდება "ლიგა დე ქუიტო". საბედნიეროდ პეპემ მოიშუშა ტრავმა და იგი დღევანდელ მატჩში მონაწილეობას მიიღებს.

B ჯგუფში სიტუაცია ძალიან დაიძაბა. მადრიდის "რეალისა" და "დე ქუიტოს" დაპირისპირება გადამწყვეტია. ორივე გუნდს თითო-თითო მატჩი აქვს ჩატარებული. ქულების რაოდენობით კი "დე ქუიტო" 2 ქულით უსწრებს სამეფო კლუბს, აქედან გამომდინარე მადრიდის "რეალს" მხოლოდ გამარჯვება სჭირდება.

პელეგრინი აჯამებს "ალ-იტიჰადთან" დაშვებულ შეცდომებს და გუნდს ახალ დარიგებებს აძლევს. როგორც ზემოთ აღვნიშნეთ, დღეს თეთრებს დაეხმარება პეპეც, რომელმაც "შემროკ როვერსთან" ამხანაგურ მატჩში ტრავმა მიიღო. მანუელმა 20 მოთამაშე გამოიძახა. სამწუხაროდ გუნდს ისევ ვერ ეხმარებიან ვან ნისტელროი და მაჰამადუ დიარა. დღეს ვერ ითამაშებენ ასევე ჰაინცე, გარაი, ვან დერ ვაარტი და კლას იან ჰუნტელაარი.

აღსანიშნავია ისიც, რომ რამოდენიმე დღის წინ მადრიდის "რეალს" შეუერთდნენ იკერ კასილასი, სერხიო რამოსი, რაულ ალბიოლი და რიკარდო კაკა. თუმცა ისინი ვერ ითამაშებენ მშვიდობის თასზე.