ზინედინ ზიდანმა მადრიდის „რეალის“ ფებხურთელებს გუშინდელი დღე დასვენებისთვის გამოუყო, დღეიდან კი გუნდმა „ბალაიდოსზე“ ვიზიტისთვის მზადება დაიწყო...

ზიზუს შეგირდები „სელტას“ წინააღმდეგ 5 თებერვალს ითამაშებენ. გამოდის, რომ კოლექტივს მოსამზადებლად მთელი კვირა აქვს.

აუცილებლად აღსანიშნავია, რომ გუნდს დაუბრუნდნენ კეპლერ პეპე და ხამეს როდრიგესი, რომლებმაც დღეს სრული დატვირთვა მიიღეს.

მიმდინარე კვირაში ელიან ლუკა მოდრიჩის დაბრუნებასაც.

რაფაელ ვარანმა დახურულ კარს მიღმა ივარჯიშა, ის გუნდს სავარაუდოდ, ხვალ შეუერთდება. მარსელო, გარეთ ბეილი, მოდრიჩი და დანიელ კარვახალი აღდგენით პროცესს გადიან.

ზიზუმ გუნდში რამდენიმე კასტილიელსაც უხმო.

შემდეგი სესია ხვალისთვის ჩაინიშნა.