მადრიდის „რეალს“ დიდებული შანსი მიეცა...

დღევანდელი დღე „ბარსელონასთვის“ საუკეთესო ნამდვილად არ ყოფილა, გუნდმა „ბეტისთან“ 1 ქულა ბოლო წუთზე მოიპოვა.

რაც შეეხება „სევილიას“, ანდალუსიელებმა საკუთარი შეხვედრა საერთოდ წააგეს და კვლავ 42 ქულა დარჩათ, რაც იმას ნიშნავს, რომ მეორე ადგილზე „ბარსელონამ“ საერთო სტატისტიკის გამო გადაინაცვლა.

„რეალის“ ორივე კონკურენტს 42-42 ქულა აქვს. დღეს გამარჯვების შემთხვევაში ზიდანის გუნდი 46 ქულას მოაგროვებს და მეტოქეებს 4 ქულით გაასწრებს, თუმცა ეს ყველაფერი არ არის. თებერვალში „ბლანკოსი“ „ვალენსიასთან“ გადადებულ დაპირისპირებას გამართავს, იქ წარმატების შემთხვევაში კი სხვაობა 7 ქულამდე გაიზრდება.