სამეფო კლუბის ახალგაზრდა ესპანელმა ფეხბურთელმა, ალვარო არბელოამ ჟურნალისტებთან ინტერვიუ ჩაწერა, სადაც მან განაცხადა, რომ არ აქვს მნიშვნელობა ადგილს, იგი ყველგან კომფორტულად გრძნობს თავს...

"ჩემთვის დიდი მნიშვნელობა არ აქვს მარჯვნივ ვითამაშებ, მარცხნივ თუ ცენტრში, უნივერსალი ვარ, ყველგან შემიძლია თამაში, როდესაც მწვრთნელი მომცემს კონკრეტულ დავალებას მე მას პირნათლად ვასრულებ და ვცდილობ კარგი შთაბეჭდილება დავტოვო".

"რეალში უფრო ხშირად მარცხნივ თამაში მიწევს, ლივერპულში ცოტა სხვა სიტუაცია იყო. როდესაც ინგლისში ვთამაშობდი რაფაელ ბენიტესი უფრო ხშირად მარჯვნივ მათამაშებდა, ხანდახან კი ცენტრშიც მიწევდა ადგილის დაკავებას, მე მის ხელში დიდი გამოცდილება მივიღე , რომელიც უნდა მოვახმარო "ბლანკოსს".

"იქ ვითამაშებ სადაც მწვრთნელი მეტყვის, ეს არც ჩემს ფორმიდან ამოვარდნას მიანიშნებს და არც ძალის დაკარგვას, მე მცველი ვარ და დაცვის ნებისმიერ პოზიციაზე მსიამოვნებს თამაში" - განაცხადა ალვარომ.